مەملەكەت باسشىسى قاسىم-جومارت كەمەلۇلى توقاەۆتىڭ 2025 جىلدى «جۇمىسشى ماماندىقتار جىلى» دەپ جارييالاۋىنا وراي باتىس قازاقستان وبلىسىندا «ەڭبەك. ادام. قۇرمەت» اتتى فەستيۆالь وتتى, دەپ حابارلايدى بقو اكىمدىگىنە سىلتەمە جاساعان Shalqar.kz تىلشىسى.
بۇل ايتۋلى شارانىڭ باستى ماقساتى – ەل دامۋىنا ولشەۋسىز ۇلەس قوسىپ جۇرگەن قاراپايىم ەڭبەك ادامدارىنىڭ ەڭبەگىن باعالاۋ, ولارعا قۇرمەت كورسەتۋ جانە جاس ۇرپاققا ۇلگى ەتۋ.
فەستيۆالьگە ار سالادا تەر توگىپ جۇرگەن ەڭبەك ادامدارى قاتىستى.
ىس-شارا بارىسىندا ەڭبەك ادامدارىنىڭ ومىر جولى, كاسىبي جەتىستىكتەرى مەن ەڭبەككە دەگەن ادال كوزقاراستارى ناسيحاتتالدى. قاتىسۋشىلار وز تاجىريبەلەرىمەن بولىسىپ, تاڭداعان ماماندىعىنا دەگەن ماقتانىشىن بىلدىردى.

-“2025 جىلدىڭ “جۇمىسشى ماماندىقتار جىلى” دەپ جارييالانۋى — ەلدىڭ نەگىزگى قوزعاۋشى كۇشى سانالاتىن ەڭبەك ادامدارىنا كورسەتىلگەن ۇلكەن قۇرمەت. بۇل — تەك اتاۋلى جىل ەمەس, ناقتى ىس پەن ناقتى قولداۋدىڭ جىلى.
بۇگىنگى شارا — ەڭبەك ادامىن دارىپتەۋدىڭ, ولاردى كورىپ, تانۋدىڭ جارقىن ۇلگىسى. قاراپايىم ەڭبەك يەلەرىنىڭ ومىرى مەن تابىسى جاستارعا ۇلكەن موتيۆاتسييا. وسىنداي شارالار جىل سايىن جالعاسىپ, جۇمىسشى ماماندىقتارىنىڭ بەدەلى ودان ارى ارتا تۇسسە ەكەن دەپ تىلەيمىن!”,-دەدى لياززات سەيتكەرەەۆا.

ورال ترانسفورماتور زاۋىتىنىڭ شەبەرى لياززات جۇمادىلدا جاس مامانداردى دايارلاۋ جايىن بايانداپ, نازىك جاندىلاردىڭ دا وندىرىستە تابىستى ەڭبەك ەتىپ جاتقانىن ايتتى. ول كۇن سايىن كاتۋشكا ىشىنە قاجەتتى بولشەكتەر ورناتادى. كوزگە قاراپايىم كورىنگەنىمەن, دال سول بولشەك بۇكىل مەحانيزمنىڭ جۇمىس ىستەۋىنە ىقپال ەتەدى.

حالىقتىڭ تۇرمىس ساپاسىن ارتتىرۋعا ۇلەس قوسىپ, اۋىلدىڭ الەۋمەتتىك-ەكونوميكالىق دامۋىنا وزىندىك جاڭاشىل يدەيالارىن ەنگىزۋگە نيەتتەنگەن شىڭعىرلاۋ اۋدانىنىڭ جەكە كاسىپكەرى سىرىم جولدىگۇلوۆ «اۋىل اماناتى» باعدارلاماسى اياسىندا نەسيە الىپ, الدىمەن شاعىن ناۋبايحانا اشتى. كاسىبىن دوڭگەلەتكەن كاسىپكەر قازىر وڭىردە تەڭدەسى جوق كاسىبي قولعاپتار وندىرىسىن دامىتىپ, كاسىپورنىن شاعىن تسەحتان وندىرىس ورنىنا دەيىن جەتىلدىرگەن.

جيىن بارىسىندا اۋداننان كەلگەن وكىلدەر “اۋىل اماناتى” باعدارلاماسى اياسىندا وز وڭىرلەرىندە اتقارىلىپ جاتقان جۇمىستار مەن مەملەكەتتىك قولداۋدىڭ ناتيجەلەرى جونىندە بولىستى.

فەستيۆالь اياسىندا الاڭدا كەڭ كولەمدى جارمەڭكەلەر ۇيىمداستىرىلدى. وندا “اۋىل اماناتى” باعدارلاماسىنىڭ قاتىسۋشىلارى مەن مەملەكەتتىك گرانت يەگەرلەرى وز ونىمدەرىن ۇسىندى. جۇمىس ىزدەۋشىلەر ۇشىن 80-نەن استام جۇمىس بەرۋشى 500-دەن استام بوس جۇمىس ورىندار جارمەڭكەسى وتتى.