Memleket basşısı Qasım-Jomart Kemelwlı Toqaevtıñ 2025 jıldı «Jwmısşı mamandıqtar jılı» dep jariyalauına oray Batıs Qazaqstan oblısında «Eñbek. Adam. Qwrmet» attı festival' ötti, dep habarlaydı BQO äkimdigine silteme jasağan Shalqar.kz tilşisi.
Bwl aytulı şaranıñ bastı maqsatı – el damuına ölşeusiz üles qosıp jürgen qarapayım eñbek adamdarınıñ eñbegin bağalau, olarğa qwrmet körsetu jäne jas wrpaqqa ülgi etu.
Festival'ge är salada ter tögip jürgen eñbek adamdarı qatıstı.
İs-şara barısında eñbek adamdarınıñ ömir jolı, käsibi jetistikteri men eñbekke degen adal közqarastarı nasihattaldı. Qatısuşılar öz täjiribelerimen bölisip, tañdağan mamandığına degen maqtanışın bildirdi.

-“2025 jıldıñ “Jwmısşı mamandıqtar jılı” dep jariyalanuı — eldiñ negizgi qozğauşı küşi sanalatın eñbek adamdarına körsetilgen ülken qwrmet. Bwl — tek ataulı jıl emes, naqtı is pen naqtı qoldaudıñ jılı.
Bügingi şara — eñbek adamın däripteudiñ, olardı körip, tanudıñ jarqın ülgisi. Qarapayım eñbek ieleriniñ ömiri men tabısı jastarğa ülken motivaciya. Osınday şaralar jıl sayın jalğasıp, jwmısşı mamandıqtarınıñ bedeli odan äri arta tüsse eken dep tileymin!”,-dedi Lyazzat Seytkereeva.

Oral transformator zauıtınıñ şeberi Lyazzat Jwmadilda jas mamandardı dayarlau jayın bayandap, näzik jandılardıñ da öndiriste tabıstı eñbek etip jatqanın ayttı. Ol kün sayın katuşka işine qajetti bölşekter ornatadı. Közge qarapayım köringenimen, däl sol bölşek bükil mehanizmniñ jwmıs isteuine ıqpal etedi.

Halıqtıñ twrmıs sapasın arttıruğa üles qosıp, auıldıñ äleumettik-ekonomikalıq damuına özindik jañaşıl ideyaların engizuge niettengen Şıñğırlau audanınıñ jeke käsipkeri Sırım Joldıgwlov «Auıl amanatı» bağdarlaması ayasında nesie alıp, aldımen şağın naubayhana aştı. Käsibin döñgeletken käsipker qazir öñirde teñdesi joq käsibi qolğaptar öndirisin damıtıp, käsipornın şağın cehtan öndiris ornına deyin jetildirgen.

Jiın barısında audannan kelgen ökilder “Auıl amanatı” bağdarlaması ayasında öz öñirlerinde atqarılıp jatqan jwmıstar men memlekettik qoldaudıñ nätijeleri jöninde bölisti.

Festival' ayasında alañda keñ kölemdi järmeñkeler wyımdastırıldı. Onda “Auıl amanatı” bağdarlamasınıñ qatısuşıları men memlekettik grant iegerleri öz önimderin wsındı. Jwmıs izdeuşiler üşin 80-nen astam jwmıs beruşi 500-den astam bos jwmıs orındar järmeñkesi ötti.