قازاقستاندا قازاق تىلىندە سويلەي الاتىن دىبىستىق تىلدىك جاساندى ينتەللەكت مودەلىن ازىرلەۋ جۇمىسى جۇرىپ جاتىر, دەپ حابارلايدى Shalqar.kz تىلشىسى.

بۇل تۋرالى جاساندى ينتەللەكت جانە تسيفرلىق دامۋ ۆيتسە-مينيسترى دميتريي مۋن مالىمدەدى.

سونداي-اق ول "سامۇرىق-قازىنا" ۇلتتىق ال-اۋقات قورىنىڭ ديرەكتورلار كەڭەسىنە SKY اتتى جي-اسسيستەنت ەنگىزىلۋىنە قاتىستى پىكىر بىلدىردى.

ايتۋىنشا, قازاق تىلىندەگى ساپالى دىبىستىق جي جۇيەسىن جاساۋ – تەحنيكالىق تۇرعىدان مۇمكىن. بىراق كوپ ەڭبەكتى, ۋاقىتتى جانە ايتارلىقتاي كولەمدەگى دىبىستىق دەرەكتەردى قاجەت ەتەتىن كۇردەلى پروتسەسس.

دۇرىس سويلەيتىن جۇيە جاساۋ – تەحنيكالىق تۇرعىدان مۇمكىن نارسە. ول ۇشىن بىزگە ۋاقىت پەن ار ايماقتىڭ دىبىستىق جازبالارى قاجەت. سوندا عانا قازاق تىلىندەگى تولىققاندى دىبىستىق تىلدىك مودەلь جاساي الامىز, – دەدى دميتريي مۋن.

ۆيتسە-مينيستردىڭ مالىمدەۋىنشە, قازاق تىلىندە سويلەي الاتىن جاساندى ينتەللەكتتى دامىتۋ – جي تەحنولوگييالارىن ۇلتتىق تىل مەن مادەني كونتەكستكە بەيىمدەۋدىڭ ماڭىزدى قادامىنا اينالادى.