Qazaqstanda qazaq tilinde söyley alatın dıbıstıq tildik jasandı intellekt modelin äzirleu jwmısı jürip jatır, dep habarlaydı Shalqar.kz tilşisi.

Bwl turalı Jasandı intellekt jäne cifrlıq damu vice-ministri Dmitriy Mun mälimdedi.

Sonday-aq ol "Samwrıq-Qazına" wlttıq äl-auqat qorınıñ direktorlar keñesine SKY attı JI-assistent engiziluine qatıstı pikir bildirdi.

Aytuınşa, qazaq tilindegi sapalı dıbıstıq JI jüyesin jasau – tehnikalıq twrğıdan mümkin. Biraq köp eñbekti, uaqıttı jäne aytarlıqtay kölemdegi dıbıstıq derekterdi qajet etetin kürdeli process.

Dwrıs söyleytin jüye jasau – tehnikalıq twrğıdan mümkin närse. Ol üşin bizge uaqıt pen är aymaqtıñ dıbıstıq jazbaları qajet. Sonda ğana qazaq tilindegi tolıqqandı dıbıstıq tildik model' jasay alamız, – dedi Dmitriy Mun.

Vice-ministrdiñ mälimdeuinşe, qazaq tilinde söyley alatın jasandı intellektti damıtu – JI tehnologiyaların wlttıq til men mädeni kontekstke beyimdeudiñ mañızdı qadamına aynaladı.