Bügin «Habar» Agenttigine 30 jıl. Bwl -şağın wjımnan halıqaralıq deñgeydegi media qwrılımğa aynalğan alpauıt. 

«Habar» Agenttigi öziniñ 30 jıldıq tarihında aqparattıq sayasattı eñ senimdi jetkizuşi, sayasi, äleumettik-mädeni qwndılıqtar men dästürlerdi nasihattauşı  qwral ekenin däleldedi. Bügin alıp teleotbası 30 jıldıq mereytoyın erekşe atap ötti, dep habarlaydı Shalqar.kz.

Bwl keş bwrınğı keşten özgeşe. «Habar» Agenttiginiñ 30 jıldığına mediaholding qızmetkerleri tegis jinaldı. Merekelik jiında telearnanıñ qalıptasuına üles qosqan ardagerler men olardıñ izin jalğağan äriptesterimizge arnayı qwrmet körsetildi. Atı añızğa aynalğan agenttikti Prezident mereytoymen qwttıqtadı. Memleket basşısınıñ qwttıqtauın  Prezidenttiñ işki sayasat jäne kommunikaciyalar mäseleleri jönindegi keñesşisi Arman Qırıqbaev jetkizdi.

Arman Qırıqbaev, QR Prezidentiniñ İşki sayasat mäseleleri jäne kommunikaciyalar jönindegi kömekşisi:

- Osı uaqıt işinde elimizdiñ aqparat keñistiginde öz ornı bar bedeldi mediaqwrılımğa aynaldı. Biregey bastamalar men tıñ jobalardı tabıstı jüzege asırdı. Aqparat maytalmandarı wjımı elimizdegi jäne älemdegi oqiğalar turalı şınayı habar taratıp, halıqqa memlekettik sayasattıñ män-mañızın tüsindiruge zor üles qosıp keledi. Barşañızğa şabıt, tolağay tabıs tileymin. Qasım-Jomart Toqaev.

30 jıl işinde agenttik alpauıt aqparattıq ortalıqqa aynalıp, körermenmen birge qalıptastı. 

Agenttiktiñ mereytoyına oray Parlamenttiñ qos palata törağaları da arnayı qwttıqtau joldadı. Senat spikeri Mäulen Äşimbaev pen Mäjilis törağası Erlan Qoşanov: «Habar» otız jıl boyı körermenniñ senimin saqtay otırıp, wlttıñ aynası bolıp qalıptasqanın jetkizdi.  Habardıñ mereyli toyında Mädeniet jäne aqparat ministri Aida Balaeva: «Habar»  bwl jay ğana media agenttik emes, «talay telekadrlar tüsirilgen täuelsiz Qazaqstannıñ tiri tarihı» dep atap ötti.