23-24 قازان كۇندەرى "رەسپۋبليكا كۇنى" ۇلتتىق مەرەكەسى جانە قىزىلوردا قالاسىنىڭ استانا بولعانىنا 100 جىل تولۋ مەرەيتويىنا وراي شۆەيتسارييانىڭ جەنەۆا, بەرن قالالارىندا سىر ونەرپازدارىنىڭ كونتسەرتى وتتى, دەپ حابارلايدى Shalqar.kz.

كونتسەرتكە شۆەيتساريياداعى شەتەلدىك ەلشىلىكتەردىڭ وكىلدەرى, جەنەۆا جانە بەرن قالالارىنداعى قازاق دياسپوراسى مەن جەرگىلىكتى تۇرعىندار قاتىستى.

كونتسەرتتىڭ ماقساتى – قازاق مادەنيەتىن, ۇلتتىق ونەردى, سىر وڭىرىنىڭ جىراۋلىق داستۇرىن الەمگە تانىتۋ. وعان ۇلتتىق مۋزىكانىڭ جاۋھارلارىن تورتكۇل دۇنيەگە پاش ەتكەن حالىق اسپاپتار, سىر وڭىرىنەن شىققان رەسپۋبليكاعا تانىمال مادەنيەت مايتالماندارى م.نييازوۆ, ۇ.مەدەۋوۆا, ا.شاعداتوۆ, م.ماقۇلبەكوۆ, ا.قۋاڭباەۆ, ت.وتەنوۆا, ب.ورىنباسار, م.امانجولوۆ, ا.شاداەۆ, ا.ماحامبەتجان, ا.ابدى, ا.تورەعالي جانە م.جانتورە, ا.شۇكىروۆ, ج.جۇمابەك, ج.قايىپبەرگەن, ن.رۇستەمۇلى, ز.نىسانباەۆ, ت.اياپوۆا قاتىسىپ, ونەر كورسەتتى.

گاسترولьدىك ساپار اياسىندا كورەرمەنگە كونتسەرتتىك باعدارلامامەن قاتار, قازاقتىڭ ۇلتتىق تاعامدارى, ۇلتتىق ناقىشتا جاسالعان سىي-سيياپات ۇسىنىلدى. جۇرتشىلىق تانىم مەن تاعىلىمعا تولى كەش سىيلاعانى ۇشىن سىربويىلىق ونەرپازدارعا العىس بىلدىردى.

ايتا كەتۋ قاجەت, وسى جىلى ناۋرىز مەرەكەسىنىڭ تاريحي جانە مادەني ماڭىزىن تۇسىندىرۋ, الەم جۇرتشىلىعىنا تانىستىرۋ ماقساتىندا يسپانييا, فينلياندييا, ەستونييا مەملەكەتتەرىندە سىر ونەرپازدارىنىڭ كونتسەرتى وتكەن بولاتىن.