23-24 qazan künderi "Respublika küni" wlttıq merekesi jäne Qızılorda qalasınıñ astana bolğanına 100 jıl tolu mereytoyına oray Şveycariyanıñ Jeneva, Bern qalalarında Sır önerpazdarınıñ koncerti ötti, dep habarlaydı Shalqar.kz.

Koncertke Şveycariyadağı şeteldik elşilikterdiñ ökilderi, Jeneva jäne Bern qalalarındağı qazaq diasporası men jergilikti twrğındar qatıstı.

Koncerttiñ maqsatı – qazaq mädenietin, wlttıq önerdi, Sır öñiriniñ jıraulıq dästürin älemge tanıtu. Oğan wlttıq muzıkanıñ jauharların törtkül düniege paş etken halıq aspaptar, Sır öñirinen şıqqan respublikağa tanımal mädeniet maytalmandarı M.Niyazov, Ü.Medeuova, A.Şağdatov, M.Maqwlbekov, Ä.Quañbaev, T.Ötenova, B.Orınbasar, M.Amanjolov, A.Şadaev, A.Mahambetjan, A.Äbdi, A.Töreğali jäne M.Jantöre, A.Şükirov, J.Jwmabek, J.Qayıpbergen, N.Rüstemwlı, Z.Nısanbaev, T.Ayapova qatısıp, öner körsetti.

Gastrol'dik sapar ayasında körermenge koncerttik bağdarlamamen qatar, qazaqtıñ wlttıq tağamdarı, wlttıq naqışta jasalğan sıy-siyapat wsınıldı. Jwrtşılıq tanım men tağılımğa tolı keş sıylağanı üşin sırboyılıq önerpazdarğa alğıs bildirdi.

Ayta ketu qajet, osı jılı Naurız merekesiniñ tarihi jäne mädeni mañızın tüsindiru, älem jwrtşılığına tanıstıru maqsatında Ispaniya, Finlyandiya, Estoniya memleketterinde Sır önerpazdarınıñ koncerti ötken bolatın.