جاقىندا بوكستان قازاقستان چەمپيوناتىندا ەرەكشە جاعداي ورىن الدى. ايتۋلى دودادا 5 بالانىڭ اناسى ايگەرىم ساتتىباەۆا وز سالماق دارەجەسىندە توپ جارىپ, چەمپيون اتاندى, دەپ حابارلايدى Shalqar.kz.

سپورتشىنىڭ وتباسىلىق ومىر مەن بوكستى قاتار الىپ جۇرۋى – تاڭعالارلىق جايت. ونىڭ ۇستىنە, جارىسقا تەك قاتىسىپ قويماي, چەمپيون اتانۋى دا – ۇلكەن بەلەس.

ايگەرىم ساتتىباەۆا كوپشىلىككە تەك سپورتشى رەتىندە عانا ەمەس, ايگىلى بوكسشى ولجاس ساتتىباەۆتىڭ جارى رەتىندە دە تانىس. ولجاس – 2016 جىلعى ريو-دە-جانەيرو وليمپياداسىنىڭ قاتىسۋشىسى جانە 2015 جىلعى ازييا چەمپيونى. ەكەۋى بۇگىندە بەس بالانىڭ اتا-اناسى, سپورت پەن وتباسىن قاتار الىپ جۇرگەن جۇپ رەتىندە ۇلگى بولىپ وتىر. ولجاس وزىنىڭ جارىنا وسى قازاقستان چەمپيوناتىندا كومەكتەسىپ, جەڭىسكە جەتۋىنە وزىنىڭ ۇلكەن ۇلەسىن قوستى.

فينالدا ايگەرىم ساتتىباەۆا مەن انەل قۇدايبەرگەن كەزدەستى. جەكپە-جەكتە ايگەرىم ايقىن باسىمدىق تانىتىپ, جارىس جەڭىمپازى اتاندى. اراعا 15 جىل سالىپ ەل چەمپيوناتىندا توپ جاردى. بۇعان دەيىن 2010 جىلى قىزىلوردادا چەمپيون بولعان.

ايگەرىم ساتتىباەۆانىڭ جاسى 34-تە, 5 بالانىڭ اناسى. ول بوكستان ازييا چەمپيونى جانە قولا جۇلدەگەرى, اسكەريلەر اراسىندا الەم چەمپيونى. بۇكىلالەمدىك بوكس سەريياسىنىڭ (WSB) 2 دۇركىن چەمپيونى ولجاس ساتتىباەۆتىڭ جۇبايى.