Jaqında bokstan Qazaqstan çempionatında erekşe jağday orın aldı. Aytulı dodada 5 balanıñ anası Äygerim Sättibaeva öz salmaq därejesinde top jarıp, çempion atandı, dep habarlaydı Shalqar.kz.

Sportşınıñ otbasılıq ömir men bokstı qatar alıp jürui – tañğalarlıq jayt. Onıñ üstine, jarısqa tek qatısıp qoymay, çempion atanuı da – ülken beles.

Äygerim Sättibaeva köpşilikke tek sportşı retinde ğana emes, äygili boksşı Oljas Sättibaevtıñ jarı retinde de tanıs. Oljas – 2016 jılğı Rio-de-Janeyro Olimpiadasınıñ qatısuşısı jäne 2015 jılğı Aziya çempionı. Ekeui büginde bes balanıñ ata-anası, sport pen otbasın qatar alıp jürgen jwp retinde ülgi bolıp otır. Oljas öziniñ jarına osı Qazaqstan çempionatında kömektesip, jeñiske jetuine öziniñ ülken ülesin qostı.

Finalda Äygerim Sättibaeva men Änel Qwdaybergen kezdesti. Jekpe-jekte Äygerim ayqın basımdıq tanıtıp, jarıs jeñimpazı atandı. Arağa 15 jıl salıp el çempionatında top jardı. Bwğan deyin 2010 jılı Qızılordada çempion bolğan.

Äygerim Sättibaevanıñ jası 34-te, 5 balanıñ anası. Ol bokstan Aziya çempionı jäne qola jüldegeri, äskeriler arasında älem çempionı. Bükilälemdik boks seriyasınıñ (WSB) 2 dürkin çempionı Oljas Sättibaevtıñ jwbayı.