«Қайрат» командасының ойыншысы Дастан Сәтбаев Англияның «Челси» клубына ресми түрде ауысты, деп хабарлайды Shalqar.kz.

Алматылық «Қайрат» пен лондондық «Челси» 16 жастағы шабуылшының трансфері бойынша келісімге келді. Спортшы 2026 жылы жазда кәмелетке толған соң ағылшын клубына ресми түрде қосылады. Бұл туралы бүгін «Қайрат» футбол клубының баспасөз қызметі хабарлады. Дастан Сәтбаев Алматыда дүниеге келген. Ол сегіз жасында «Қайрат» академиясына қабылданып, дайындықтың барлық сатысынан өтті. 2024 жылғы мамырда 15 жасында негізгі командада дебют жасап, «Қайрат» тарихындағы ең жас ойыншы атанды.