1892 жылы 28 қазан күні Парижде Эмиль Рейно есімді суретші алғаш рет қозғалыстағы суреттерді көрсететін «праксиноскоп» аппаратын таныстырды. Бұл құрылғы қазіргі мультфильмдердің шығуына себепкер болды, деп хабарлайды Shalqar.kz Мәдениет және Ақпарат министрлігіне сілтеме жасап.

1967 жылы қазақ анимациясының тарихы «Қарлығаштың құйрығы неге айыр?» атты тұңғыш фильмінен бастау алды. Режиссер Әмен Қайдаров бұл мультипликациялық фильм үшін Ленинград қаласында өткен Бүкілодақтық кинофестивальде (1968), Нью-Йорктегі Халықаралық мультипликациялық фильмдер фестивалінде (1975) жүлде алды.