Qazaqstan Respublikasınıñ Bel'giya Korol'digindegi Elşiligi men Maneken Pis müsininiñ Qamqorşılar ordeni birlesip, äygili Maneken Pis müsinine Qazaqstannıñ Respublika künine oray şapan kigizu saltanattı räsimin ötkizdi, dep habarlaydı Shalqar.kz.

Şara Bryussel'diñ tarihi ortalığında ötip, Qazaqstan men Bel'giya arasındağı dostıqtıñ, mädeni ıntımaqtastıqtıñ nışanına aynaldı. İs-şarağa bel'giyalıq seriktester, qoğam qayratkerleri, mädeni wyımdardıñ ökilderi jäne qazaqstandıq studentter men otandastar qatıstı.

Öziniñ qwttıqtau sözinde Qazaqstan Respublikasınıñ Bel'giya Korol'digindegi Elşisi Roman Vasilenko: «Bügingi oqiğa Qazaqstan men Bel'giya arasındağı özara qwrmet pen mädeni dialogtı damıtuğa negizdelgen berik äriptestik baylanıstardı körsetedi. Biz qazaq halqınıñ dästürlerin Europanıñ jüregi – Europalıq odaqtıñ astanası Bryussel'de paş etuge quanıştımız».

Maneken Pis müsinine arnayı tigilgen wlttıq şapan kigizildi. Bwl şara Qazaqstannıñ mädenietaralıq tüsinistikti nığaytuğa jäne wlttıq mwranı halıqaralıq deñgeyde tanıtuğa degen wmtılısın ayqın körsetti.