الماتى قالاسىندا شەتەلدىك ازاماتتار تەررورلىق اكت جاساماق بولعان, دەپ حابارلايدى Shalqar.kz ۇلتتىق قاۋىپسىزدىك كوميتەتىنە سىلتەمە جاساپ.

«ۇلتتىق قاۋىپسىزدىك كوميتەتى الماتى قالاسىندا 2025 جىلدىڭ قىركۇيەگىندە 5 شەتەلدىك ازامات جوسپارلاعان تەررورلىق اكتىسىنىڭ الدىن الدى. ولاردىڭ بارلىعى قاماۋعا الىنىپ, تەرگەۋ جۇرگىزىلۋدە»,—دەلىنگەن حابارلامادا.

سونداي-اق بيىل قىركۇيەك پەن قازاندا تەرروريزمدى ناسيحاتتادى دەگەن كۇدىكپەن قىلمىستىق ىستەر اياسىندا 8 قازاقستاندىق قاماۋعا الىنعان.

ۇقك مالىمەتىنشە, جىل باسىنان وسىنداي قىلمىستارى ۇشىن 89 ادام قىلمىستىق جاۋاپكەرشىلىككە تارتىلعان, ونىڭ 6-سى —شەتەلدىكتەر.