«ازىرەت سۇلتان» ۇلتتىق تاريحي-مادەني مۋزەي-قورىعىندا مۋزەي ىسىنە جارتى عاسىرعا جۋىق ومىرىن ارناعان رۋحانييات جاناشىرى جۇزباەۆا راحييا سۇلەيمەنقىزىنىڭ 70 جىلدىق مەرەيتويىنا ارنالعان «مۋزەيدە ورنەكتەلگەن ومىرىم» اتتى كورمەنىڭ سالتاناتتى اشىلۋى وتتى, دەپ حابارلايدى Shalqar.kz  قر مادەنيەت جانە اقپارات مينيسترلىگىنىڭ باسپاسوز قىزمەتىنە سىلتەمە جاساپ.

كورمەدە راحييا سۇلەيمەنقىزىنىڭ مۋزەي ىسىندەگى تاباندى ەڭبەگى مەن رۋحاني قىزمەتىن ايعاقتايتىن فوتوسۋرەتتەر, عىلىمي ماقالالارى, ماراپاتتارى مەن ەستەلىك ماتەريالدارى كوپشىلىك نازارىنا ۇسىنىلدى.

سونىمەن قاتار, ارداقتى تۇلعانىڭ ومىر جولى مەن كاسىبي قىزمەتىن قامتىعان بەينەروليك كورسەتىلدى.

سالتاناتتى جيىنعا راحييا سۇلەيمەنقىزىنىڭ ارىپتەستەرى, شاكىرتتەرى, بىرگە وقىعان دوستارى مەن تۋىستارى, سونىمەن بىرگە عالىمدار, وبلىستىق اجەلەر القاسىنىڭ مۇشەلەرى جانە مادەنيەت سالاسىنىڭ وكىلدەرى قاتىستى.   ىس-شارا بارىسىندا قاتىسۋشىلار مەرەيتوي يەسىنە ەل مادەنيەتى مەن مۋزەي ىسىن دامىتۋداعى ەڭبەگىنە جوعارى باعا بەرىپ, جىلى لەبىزىن بىلدىردى.

«مۋزەيدە ورنەكتەلگەن ومىرىم» كورمەسى وتاندىق مۋزەي ىسىنىڭ دامۋىنا سۇبەلى ۇلەس قوسقان تۇلعانىڭ ەڭبەگىن دارىپتەۋ مەن كەلەر ۇرپاققا ۇلگى ەتۋ ماقساتىندا ۇيىمداستىرىلدى.