Rimdegi Villa Gracioli sayabağında (Parco di Villa Grazioli) qazaq halqınıñ wlı aqını äri oyşılı Abay Qwnanbaywlı byustiniñ saltanattı aşıluı ötti. İs-şarağa QR Mädeniet jäne aqparat ministri Aida Balaeva, Qazaqstan Respublikasınıñ Italiya Respublikasındağı Tötenşe jäne Ökiletti Elşisi Erbolat Sembaev, italiyalıq ziyalı qauım ökilderi men Qazaqstannıñ resmi delegaciyası müşeleri qatıstı, dep habarlaydı Shalqar.kz QR Mädeniet jäne aqparat ministrliginiñ baspasöz qızmetine silteme jasap.

Ministr saltanattı is-şarada söylegen sözinde Abay Qwnanbaywlı – qazaq halqınıñ ruhani kemeldenuine bağdar bolğan, adamzattıñ asıl mwrattarın nasihattağan wlı twlğa ekenin atap ötti. Onıñ şığarmalarındağı bastı ideya – adamgerşilik, ädildik, bilim men eñbek arqılı izgilikke ündeu.

Sondıqtan da Abay beynesiniñ däl Rim qalasında boy köterui – mädenietter men örkenietter arasındağı ruhani köpirdiñ belgisi boları anıq.

«Keyingi jıldarı memleketterimiz arasındağı qarım-qatınas erekşe serpin aldı. Ötken jılı Qazaqstan Respublikasınıñ Prezidentiniñ Italiyağa resmi saparı men Italiya Ministrler keñesiniñ törayımı Qazaqstanğa jasağan resmi saparı ıntımaqtastıqtı jaña deñgeyge köterdi. Al qırküyek ayında Italiya Prezidenti Qazaqstanğa kelip, jaña baylanıstarğa jol aşıp, birqatar mañızdı kelissözder jasaldı. Bügingi Abay eskertkişiniñ aşıluı – sol kelisimderdiñ körinisi, eki halıq arasındağı dostıq pen özara qwrmettiñ belgisi dep bilemin», – dedi Aida Balaeva.

Ayta ketsek, qazaqtıñ wlı aqını Abaydıñ esimi şetelde zor qwrmetke ie. Aqınğa arnalğan eskertkişter, byuster men monumentter älemniñ köptegen iri qalaları men astanalarında ornatılğan.

Olardıñ qatarında, Taşkent, Mäskeu, Qazan, Bişkek, Beyjiñ, Kair, Budapeşt, Tegeran, Ankara, Istambwl, N'yu-Deli, Jeneva, Parij, Renn, Saraevo, Tbilisi, Berlin, Seul, Har'kov, Baku jäne Rio-de-Janeyro qalaları bar.

Aida Balaeva men Erbolat Sembaev Şıñğıs Aytmatov eskertkişine gül şoqtarın qoydı.