Қыркүйектің аяғында Ұлттық банк базалық мөлшерлемені 18%-ға көтергеннен кейін, бірнеше ірі банк ипотекалық өтініш қабылдауды уақытша тоқтатқан еді. Нарық еліміздегі банктерге хабарласып, қазіргі жағдайды анықтады, деп хабарлайды Shalqar.kz.

Ипотеканы тоқтатып, қайта қабылдай бастаған банктер:

• Банк ЦентрКредит — ипотека қабылдау қайта басталды.

• Halyk Bank — әзірге тек BI Group жобалары бойынша дайын тұрғын үйлерге ипотека рәсімделеді. Қайталама нарықтағы несие әлі ашылған жоқ.

Ипотека қабылдауды тоқтатпаған банктер:

• Отбасы банк — барлық бағдарлама әдеттегідей жүріп жатыр.

• Freedom Bank — ипотека бұрынғыдай беріледі.

• Altyn Bank — бастапқы нарықта ипотека бар (BI, Basis A, Sensata жобалары бойынша қолжетімді), ал қайталама нарық уақытша тоқтаған.

Ипотека әлі қабылдамайтын банктер:

• ForteBank — бағдарламалар уақытша жабық, шешім бір ай ішінде шығады.

• Нұрбанк — 10 қазаннан бері өтініш қабылдамайды.

• Bank RBC — ипотека әзірге тоқтап тұр, жақында қайта ашылады.

Ипотека мүлде жоқ банктер:

Kaspi Bank, Alatau City Bank, Bereke Bank, Home Credit Bank, VTB және Eurasian Bank.