بيىل 17 قاراشادا مۇحتار اۋەزوۆ اتىنداعى قازاق ۇلتتىق دراما تەاترى كورەرمەن نازارىنا وزىنىڭ جۇز جىلدىق مەرەيتويىنا ارنالعان «عاسىرعا باسقان قادام» اتتى سالتاناتتى قويىلىم ۇسىنادى, دەپ حابارلايدى Shalqar.kz قر مادەنيەت جانە اقپارات مينيسترلىنىنىڭ باسپاسوز قىزمەتىنە سىلتەمە جاساپ.

بۇل ەرەكشە كەش – تەاتردىڭ باي تاريحى مەن ساحناداعى ۇلى داستۇرلەرىن دارىپتەپ, ونەر ورداسىنىڭ جاڭا عاسىرلىق بەلەسىنە قادام باسۋىن ايشىقتايتىن ايتۋلى مادەني وقيعا بولماق. كەش بارىسىندا كورەرمەن نازارىنا تەاتر رەپەرتۋارىنداعى تاڭداۋلى قويىلىمداردان ساحنالىق ۇزىندىلەر ۇسىنىلادى.

ىس-شارانىڭ باستى ەرەكشەلىگى – ۇلتتىق تەاتر ونەرىنىڭ دامۋىنا ەلەۋلى ۇلەس قوسقان بەلگىلى

اكتەرلەردىڭ ونەرى ارقىلى وتكەن مەن بۇگىننىڭ كوركەم ساباقتاستىعى كورىنىس تاپپاق. سونىمەن بىرگە

تەاتر مۋزەيى كەلۋشىلەر نازارىنا «عاسىر جاساعان ۇلت تەاترى» اتتى ينتەراكتيۆتى كورمەسىن ۇسىنادى.

ايتا كەتەيىك, قازاقتىڭ تۇڭعىش كاسىبي تەاترى مۇحتار اۋەزوۆ اتىنداعى قازاق ۇلتتىق دراما تەاترىنىڭ شىمىلدىعى 1926 جىلى 13 قاڭتاردا, قىزىلوردا قالاسىندا اشىلدى.

باستاپقىدا ۇجىم ق.كەمەڭگەرۇلىنىڭ «التىن ساقينا» جانە م. اۋەزوۆتىڭ «ەڭلىك – كەبەك»

پьەسالارىنان ۇزىندىلەر قويعان. بىر عاسىر بويى تەاتر ساحناسىنان كورەرمەن جۇرەگىنە جول تارتقان اربىر سپەكتاكلь حالىقتىڭ ۇنى, زاماننىڭ تىنىسى بولدى. 1961 جىلى تەاتر جازۋشى, عالىم مۇحتار ومارحانۇلى اۋەزوۆتىڭ ەسىمىن يەلەندى. 2020 جىلى تەاترعا ۇلتتىق مارتەبەسى بەرىلدى.