Biıl 17 qaraşada Mwhtar Äuezov atındağı Qazaq wlttıq drama teatrı körermen nazarına öziniñ jüz jıldıq mereytoyına arnalğan «Ğasırğa basqan qadam» attı saltanattı qoyılım wsınadı, dep habarlaydı Shalqar.kz QR Mädeniet jäne aqparat ministrlininiñ baspasöz qızmetine silteme jasap.

Bwl erekşe keş – teatrdıñ bay tarihı men sahnadağı wlı dästürlerin däriptep, öner ordasınıñ jaña ğasırlıq belesine qadam basuın ayşıqtaytın aytulı mädeni oqiğa bolmaq. Keş barısında körermen nazarına teatr repertuarındağı tañdaulı qoyılımdardan sahnalıq üzindiler wsınıladı.

İs-şaranıñ bastı erekşeligi – wlttıq teatr öneriniñ damuına eleuli üles qosqan belgili

akterlerdiñ öneri arqılı ötken men büginniñ körkem sabaqtastığı körinis tappaq. Sonımen birge

teatr muzeyi keluşiler nazarına «Ğasır jasağan wlt teatrı» attı interaktivti körmesin wsınadı.

Ayta keteyik, qazaqtıñ twñğış käsibi teatrı Mwhtar Äuezov atındağı Qazaq wlttıq drama teatrınıñ şımıldığı 1926 jılı 13 qañtarda, Qızılorda qalasında aşıldı.

Bastapqıda wjım Q.Kemeñgerwlınıñ «Altın saqina» jäne M. Äuezovtiñ «Eñlik – Kebek»

p'esalarınan üzindiler qoyğan. Bir ğasır boyı teatr sahnasınan körermen jüregine jol tartqan ärbir spektakl' halıqtıñ üni, zamannıñ tınısı boldı. 1961 jılı teatr jazuşı, ğalım Mwhtar Omarhanwlı Äuezovtiñ esimin ielendi. 2020 jılı teatrğa Wlttıq märtebesi berildi.