«A.I. Baraev atındağı astıq şaruaşılığı ğılımi-öndiristik ortalığı» JŞS bazasında elimizdegi alğaşqı kömirtekti agroklimattıq poligon – «Kaz Agro Carbon» aşıldı.

Aşılu räsimine QR Auıl şaruaşılığı ministrliginiñ, QR Prezidenti janındağı Wlttıq ğılım akademiyasınıñ, Resey Federaciyası Auıl şaruaşılığı ministrliginiñ ökilderi, BWW Azıq-tülik jäne auıl şaruaşılığı wyımınıñ (FAO) sarapşıları, Gannover universitetiniñ ğalımdarı, ğılımi jäne bilim beru wyımdarınıñ basşıları, biznes qauımdastıq ökilderi, otandıq jäne şeteldik zertteuşiler, sonday-aq fermerler qatıstı, dep habarlaydı Shalqar.kz.

Joba Qazaqstan men Resey Auıl şaruaşılığı ministrlikteriniñ jäne QR Prezidenti janındağı Wlttıq ğılım akademiyasınıñ qoldauımen, otandıq jäne şeteldik ğalımdardıñ, auıl şaruaşılığı qwrılımdarı, salalıq wyımdar basşılarınıñ qatısuımen jüzege asırıluda.

Poligonnıñ aşıluı qazaqstandıq-reseylik agroönerkäsip keşenindegi ozıq tehnologiyalar ortalığınıñ qızmeti şeñberinde ötti. Ol QR Wlttıq ğılım akademiyası men Resey ğılım akademiyasınıñ Agroekologiya federaldıq ğılımi ortalığı arasındağı ıntımaqtastıq turalı memorandum ayasında qwrılğan bolatın. Kömirtekti poligondardı qwrudıñ maqsatı – topıraqtağı kömirtekti basqaru, parniktik gazdar şığarındıların azaytu jäne agrarlıq sektordıñ klimattıq twraqtılığın arttıru salalarında Qazaqstan men Resey arasındağı ğılımi ıqpaldastıqtı nığaytu.

«Kaz Agro Carbon» poligonı kömirtek teñgerimin ölşeu, model'deu jäne basqaru boyınşa birlesken zertteuler jürgizuge arnalğan pilottıq alañğa aynaladı. Eki eldiñ ğalımdarı Soltüstik Qazaqstan ekojüyelerinde kömirqışqıl gazınıñ şığarıluın azaytu jäne siñiriluin arttıruğa bağıttalğan innovaciyalıq tehnologiyalardı äzirlep, engizudi josparlap otır.

«Kömirtekti agroklimattıq poligon «Kaz Agro Carbon»-nıñ qwrıluı – twraqtı auıl şaruaşılığınıñ jaña modelin qalıptastıru jolındağı strategiyalıq qadam. Bwl joba Qazaqstan men Resey arasındağı ğılımi ıntımaqtastıqtı damıtıp, agroöndiristegi kömirtek izin azaytuğa bağıttalğan täjiribelik şeşimderdi engizuge mümkindik beredi», – dedi Wlttıq agroönerkäsiptik ğılımi-oqıtu ortalığınıñ Basqarma törağası Bauırjan Asanov.

«Kömirtekti poligon – ğılım, innovaciya jäne naqtı öndiristi biriktiretin alañ. Ol topıraqtıñ qwnarlılığın saqtauğa, auıl şaruaşılığın klimattıñ özgeruine beyimdeuge jäne kömirtek teñgerimin basqarudıñ wlttıq jüyesin qalıptastıruğa jol aşadı. Bwl – Qazaqstanda klimatqa bağıttalğan eginşilikti damıtudıñ mañızdı qadamı», – dedi «A.I. Baraev atındağı astıq şaruaşılığı ğılımi-öndiristik ortalığı» Basqarma törağası Timur Savin.