Almatı oblısında «Qapşağay Biday Önimderi» attı dändi jäne maylı daqıldardı tereñ öñdeuge mamandanğan jaña agrokokeşen iske qosıldı. Saltanattı aşılu räsimi 1 qaraşa küni Qonaev qalasında ötti. İs-şarağa auıl şaruaşılığı vice-ministri Azat Swltanov, oblıs äkimi Marat Swltanğaziev, sonday-aq biznes ökilderi men Qıtaydan kelgen seriktester qatıstı, dep habarlaydı Shalqar.kz.

Jaña zauıt öñirdiñ agrarlıq sektorındağı iri investiciyalıq jobalardıñ biri bolıp tabıladı. Käsiporınnıñ quattılığı jıl sayın 1 million tonnadan astam dayın önim öndiruge mümkindik beredi. Jalpı investiciya kölemi 15 milliard teñgeden astı. Bwl — Qaskeleñ qalasınan keyingi Almatı oblısındağı ekinşi osınday öndiris ornı.

Oblıs äkimi Marat Swltanğaziev jaña agroönerkäsiptik keşenniñ iske qosıluı auıl şaruaşılığı önimderin öñdeu salasınıñ damuına serpin beretinine toqtaldı:

«Almatı oblısı – elimizdiñ eñ qarqındı damıp kele jatqan aymaqtarınıñ biri. Geografiyalıq twrğıdan tiimdi ornalasuı, infraqwrılımnıñ damuı jäne investorlarğa jasalğan qoldau agroönerkäsip keşeniniñ twraqtı ösimin qamtamasız etip otır. Biz qosılğan qwnı joğarı önim şığaratın jäne auıl şaruaşılığı önimderin öñdeudi damıtatın jobalardı äri qaray da qolday beremiz. «Qapşağay biday önimderi» innovaciyalıq äri eksportqa bağıttalğan öndiristiñ ülgisine aynaladı», — dedi öñir basşısı.

Öz kezeginde auıl şaruaşılığı vice-ministri Azat Swltanov bwl jobanıñ el Prezidenti qoyğan naqtı tapsırmamen wştasatının atap ötti:

«Auıl şaruaşılığı önimderin tereñ öñdeu – Memleket basşısınıñ tapsırması äri salanıñ basım bağıtı. «Qapşağay Biday Önimderi” zauıtınıñ iske qosıluı biznes pen memlekettiñ ortaq maqsatqa – auıl şaruaşılığın tiimdi etuge jäne joğarı qosılğan qwnı bar önim öndiruge wmtılısın körsetedi. Mwnday käsiporındar jergilikti ekonomikanı nığaytıp, agrosektordıñ bäsekege qabilettiligin arttıradı», — dedi vice-ministr.

Räsim soñında qonaqtar zauıttıñ öndiristik quatımen tanıstı. Qızıl tüymeni basu jäne lokomotiv gudogın iske qosu arqılı käsiporınnıñ jwmısı resmi türde bastaldı.