Halıqaralıq «Janaşır» qoğamdıq qorı Almatı qalası Bilim basqarmasına qarastı äleumettik mekemeler tülekterin beyimdeu jäne qoldau ortalığı – «Jastar üyinde» birqatar äleumettik jäne tärbielik bağıttağı is-şaralar wyımdastırdı, dep habarlaydı Shalqar.kz.

Atalğan bastama Halıqaralıq «Janaşır» qorı men «Jastar üyi» mekemesi arasındağı özara äriptestik turalı Memorandum ayasında jüzege asırıldı. İs-şaralardıñ negizgi maqsatı – ata-ana qamqorlığınsız qalğan jastarğa ruhani jäne materialdıq qoldau körsetu, olardıñ qoğamğa beyimdeluine jan-jaqtı järdemdesu.

Şaranı ortalıq direktorınıñ orınbasarı Erkebwlan Äbdiğaliwlı aşıp, jastardı is-şara maqsatımen tanıstırdı. Sodan soñ Halıqaralıq «Janaşır» qoğamdıq qorınıñ  mamandarı söz aldı. Dombıra üyretu, şahmat, doybı, şet tilderin oqıtu kurstarın  wyımdastıruğa nietti eriktiler, bwl bağıtta ortalıq jastarımen tegin jwmıs isteuge dayın ekendikterin ayttı.

Sonımen qatar, eñbekke endi aralasıp jatqan jastar üşin jeke qarjını tiimdi basqaru jäne ünemdeu jöninde «CashFlow» klubınıñ sarapşıları şeberlik sabağın ötkizdi. Klub basşısı Olga L'vovanıñ qarjını basqaru taqırıbında ötkizgen sabağın jastar qızığuşılıqpen tıñdadı.

Halıqaralıq «Janaşır» qorınıñ prezidenti Jañıl Äpetova Jastar ortalığımen aldağı uaqıtta da is-şaralar ötkizu jalğasatının aytadı.

“Bügin biz özimizben birge dombıra, şahmat, qarjını basqaru, doybı, til üyretu üyirmelerin jürgizetin mamandardı ertip keldik. Olar jastardı äleumettendiru, ömirge beyimdeu maqsatında tegin jwmıs isteuge dayın”- dedi qoğamdıq qor basşısı.

Sonımen qatar, Halıqaralıq “Janaşır” qoğamdıq qorı ökilderi ortalıq jastarına alıp kelgen qıstıq kiimderin ülestirdi. Än aytıp, köñilderin köterdi.

Qor ökilderiniñ aytuınşa, jastardı jan-jaqtı qoldau bağıtındağı jwmıstar aldağı uaqıtta da jüyeli türde jalğasın tabadı.

İs-şara soñında «Jastar üyiniñ» basşılığı alğıstarın bildirdi.