Kaspi.kz jaña innovaciyalıq qızmetterin tanıstırdı. Qazaqstanda jasalğan jaña tehnologiyalardıñ biri – Kaspi Alaqan qızmeti. Endi Kaspi klientteri alaqan arqılı tölem jasay aladı. Sonday-aq Kaspi AI qızmeti men «Sırtqı jarnama» qwralı biznes seriktesterge jaña mümkindikter aşpaq, dep habarlaydı Shalqar.kz.

Äserli keş, muzıka jäne zamanaui jaña önimder – bwl Kaspi.kz tanıstırılımına arnalğan tehnologiya merekesi. Almatı teatrında ötken şarada kompaniya üş jaña önimdi wsındı. Solardıñ biri – Kaspi Alaqan qızmeti. Bwl kompaniyanıñ töl äzirlemesi. «Alaqanmen tölem jasau qauipsiz», – deydi mamandar. Sebebi är adamnıñ alaqanı özgeşe, al Kaspi Alaqan ol turalı aqparattı şifrlanğan cifrlıq kodqa aynaldıradı. Bwl kod Kaspi derekqorında saqtalıp, klientti anıqtauğa mümkindik beredi. 

Mihail Lomtadze, Kaspi.kz basşısı jäne negizin qalauşılardıñ biri:

-Biz klienttiñ bet jüzi arqılı tölem jasau tehnologiyasın da jasadıq. Zertteuler nätijesinde tölem jasaudıñ eñ jıldam äri eñ qauipsiz täsili alaqan arqılı töleu ekenine köz jetkizdik. Kaspi Alaqan tölem procesin barınşa jedeldetuge mümkindik beredi, sondıqtan endi tölem jasau üşin telefon da, karta da qajet bolmaydı.

Alaqan arqılı alğaşqı tölemdi aralas jekpe-jek sportşısı Şavkat Rahmonov jasadı. Ol sahnada qonaqtardıñ köz aldında Kaspi Alaqan arqılı tauar satıp aldı. Jaña tehnologiyalardı iske qosudı qoldauğa kompaniyanıñ seriktesterimen qatar sport, muzıka jäne kino jwldızdarı da keldi.

Angelina Lukas, bokstan älem çempionı:

-Keremet äser aldım. Osınday ortada bolğanıma quanıştımın. Qazaqstan üşin Kaspi bir ülken otbası siyaqtı. Men 2019 jıldan beri Kaspi klientimin. Bügin mine jaña mümkindikterdi tanıstırdı. Öte tañğaldım. Qazaqstanda Kaspi arqılı cifrlıq bağıtta damıp jatqanımızğa öte quanıştımın. 

Jaña tehnologiyanı keş qonaqtarı da sınap kördi. Qarapayım äri ıñğaylı qızmet bäriniñ köñilinen şıqtı. Kaspi Alaqan jeltoqsan ayınan bastap jappay iske qosıladı. Jaña tölem türi birinşi Almatıda engiziledi.
Kompaniya wsınğan tağı bir jaña qızmet – Kaspi AI.  Bwl Kaspi dükenniñ seriktesterine arnalğan intellektualdı kömekşi. YAğni tauardıñ sapalı fotosuretin salıp, sipattamasın jükteydi. Kaspi AI qızmetin iske qosu 2026 jıldıñ qañtarına josparlanğan. Al «Sırtqı jarnama» qwralı seriktesterge tauarın äleumettik jelilerde ilgeriletu mümkindigin aşadı. 

Maqsat Halıq, sarapşı:

-Bwl belgili bir därejede osı salada Kaspi magazin dükeninde sauda jasaytın kompaniyalar üşin şağın jäne orta biznes üşin taptırmaytın mümkindik jäne de tez tabıs tabuğa jäne de tez öz tauarın ötkizuge jıljıtuğa jaña mümkindik alıp otır dep aytuğa boladı. Demek mwnıñ şağın jäne orta biznestiñ damuına qosar ülesi bar.
 
Kaspi.kz komandası Qazaqstan azamattarınıñ ömirin jaqsartatın jäne eldiñ innovaciyalar älemindegi ornın nığaytatın jaña önimder men qızmetterdi jasap şığara beretinin atap ötti.