قر مادەنيەت جانە اقپارات مينيسترلىگى مەن ۇلتتىق كينونى قولداۋ مەملەكەتتىك ورتالىعىنىڭ ۇيىمداستىرۋىمەن اۋقىمدى رەسپۋبليكالىق «JARQYRA» كاستينگى وتتى, دەپ حابارلايدى Shalqar.kz قر مادەنيەت جانە اقپارات مينيسترلىگىنىڭ باسپاسوز قىزمەتىنە سىلتەمە جاساپ.

بۇل كاستينگ ەلىمىزدىڭ 19 قالاسىندا بىر مەزەتتە وتىپ, وتاندىق كينەماتوگرافييا تاريحىنداعى ەڭ ىرى ىس-شارالاردىڭ بىرى بولدى. ىرىكتەۋگە 1000-نان استام ادام قاتىسىپ, ۇلتتىق كينونىڭ بىر بولىگى بولۋعا نيەت بىلدىردى.

قاتىسۋشىلاردىڭ انكەتالارى ساراپتاما كەڭەسى تاراپىنان مۇقييات قارالدى. باعالاۋ كەزىندە اكتەرلىك قابىلەت, ساحنالىق وبرازدى بەينەلەۋ شەبەرلىگى جانە كاسىبي دامۋعا دەگەن الەۋەت ەسكەرىلدى. كاستينگ قورىتىندىسى بويىنشا 705 قاتىسۋشى كينو ورتالىقتىڭ اكتەرلىك بازاسىنا ەنگىزىلدى.

ۇلتتىق كينونى قولداۋ مەملەكەتتىك ورتالىعىنىڭ باسقارما توراعاسى قۇرمانبەك جۇماعاليدىڭ ايتۋىنشا, كاستينگ قازاقستاندا قۋاتتى شىعارماشىلىق الەۋەتتىڭ بار ەكەنىن جانە تۇرلى بۋىن وكىلدەرىنىڭ كينو سالاسىندا كاسىبي جۇمىس ىستەۋگە دايىن ەكەنىن كورسەتتى.

ايتا كەتەيىك, «JARQYRA» جوباسى - ۇلتتىق كينونى دامىتۋعا, سالانىڭ كادرلىق الەۋەتىن نىعايتۋعا جانە وتاندىق كينەماتوگرافتىڭ وركەندەۋىنە ۇلەس قوسقىسى كەلەتىن شىعارماشىل جاستاردى قولداۋعا باعىتتالعان.

كاستينگتەن وتكەن قاتىسۋشىلاردىڭ انكەتالارى كينو ورتالىعىنىڭ رەسمي سايتىنا www.kazakhcinema.kz ورنالاستىرىلدى. ونلاين اكتەرلىك بازا پروديۋسەرلەر مەن كينوكومپانييالارعا جاڭا ەسىمدەردى اشۋعا, دارىندى اكتەرلەردى تابۋعا جانە بولاشاق فيلьمدەرگە شىعارماشىلىق توپتار قۇرۋعا مۇمكىندىك بەرەتىن زاماناۋي قۇرالعا اينالماق.