QR Mädeniet jäne aqparat ministrligi men Wlttıq kinonı qoldau memlekettik ortalığınıñ wyımdastıruımen auqımdı respublikalıq «JARQYRA» kastingi ötti, dep habarlaydı Shalqar.kz QR Mädeniet jäne aqparat ministrliginiñ baspasöz qızmetine silteme jasap.

Bwl kasting elimizdiñ 19 qalasında bir mezette ötip, otandıq kinematografiya tarihındağı eñ iri is-şaralardıñ biri boldı. İrikteuge 1000-nan astam adam qatısıp, wlttıq kinonıñ bir böligi boluğa niet bildirdi.

Qatısuşılardıñ anketaları Saraptama keñesi tarapınan mwqiyat qaraldı. Bağalau kezinde akterlik qabilet, sahnalıq obrazdı beyneleu şeberligi jäne käsibi damuğa degen äleuet eskerildi. Kasting qorıtındısı boyınşa 705 qatısuşı Kino ortalıqtıñ akterlik bazasına engizildi.

Wlttıq kinonı qoldau memlekettik ortalığınıñ Basqarma törağası Qwrmanbek Jwmağalidıñ aytuınşa, kasting Qazaqstanda quattı şığarmaşılıq äleuettiñ bar ekenin jäne türli buın ökilderiniñ kino salasında käsibi jwmıs isteuge dayın ekenin körsetti.

Ayta keteyik, «JARQYRA» jobası - wlttıq kinonı damıtuğa, salanıñ kadrlıq äleuetin nığaytuğa jäne otandıq kinematograftıñ örkendeuine üles qosqısı keletin şığarmaşıl jastardı qoldauğa bağıttalğan.

Kastingten ötken qatısuşılardıñ anketaları Kino ortalığınıñ resmi saytına www.kazakhcinema.kz ornalastırıldı. Onlayn akterlik baza prodyuserler men kinokompaniyalarğa jaña esimderdi aşuğa, darındı akterlerdi tabuğa jäne bolaşaq fil'mderge şığarmaşılıq toptar qwruğa mümkindik beretin zamanaui qwralğa aynalmaq.