تاجىكستاننىڭ تاجىكاباد اۋدانىنداعى مۇزدىقتان الىپ مۇز كەسەگى بولىنىپ قالدى, دەپ حابارلايدى Shalqar.kz Kazinform اگەنتتىگىنە سىلتەمە جاساپ.

-2025 جىلدىڭ 25 قازانىندا تاجىكاباد اۋدانىنداعى دەحدال مۇزدىعىنىڭ ۇلكەن بولىگى بولىنىپ قالدى. مۇز ماسساسىنىڭ ايتارلىقتاي بولىگى (ۇزىندىعى 1500 مەترگە دەيىن جانە بيىكتىگى 50 مەترگە دەيىن) تومەن قاراي جىلجىدى. بۇل قۇبىلىسقا اتموسفەرالىق تەمپەراتۋرانىڭ كوتەرىلۋى مەن ۇزاق ۋاقىت جاۋىن-شاشىننىڭ بولماۋى اسەر ەتتى. بۇل مۇزدىقتىڭ قارقىندى ەرۋىنە جانە سۋ بالانسىنىڭ وزگەرۋىنە ىقپال ەتتى,- دەيدى تاجىكستان گيدرومەتەورولوگييا اگەنتتىگى.

تاجىكستان بيلىگىنىڭ مالىمەتىنشە, مۇزدىڭ ەرۋىنەن ادام شىعىنى بولعان جوق جانە ول ەشتەڭەگە زالالىن تيگىزگەن جوق. الايدا, ساراپشىلاردىڭ پىكىرىنشە, الداعى ۋاقىتتا قاتتى جاۋىن-شاشىن بولعان جاعدايدا كەيبىر ەلدى مەكەندەردى سۋ باسۋ قاۋپى جوعارى.

تاجىكستاندا 14 مىڭنان استام مۇزدىق بار. ورتالىق ازيياداعى ىرى جانە كىشى مۇزدىقتار نەگىزگى سۋ كوزى سانالادى, بىراق سوڭعى 30 جىلداعى جاھاندىق جىلىنۋعا بايلانىستى 1000-نان استام مۇزدىق تولىعىمەن جوعالىپ كەتتى.