«قايرات» كومانداسى 2025 جىلعى ماۋسىم قورىتىندىسى بويىنشا قازاقستان پرەمьەر ليگاسىنداعى ەڭ كوپ جانكۇيەر جيناعان كلۋب اتاندى, دەپ حابارلايدى Shalqar.kz.

بيىلعى ماۋسىمدا «قايراتتىڭ» ويىندارىنا جالپى سانى 241 194 جانكۇيەر كەلگەن. ناقتىراق ايتقاندا, ار ماتچقا ورتا ەسەپپەن 9 277 كورەرمەن جينالىپ وتىرعان. 

ايتا كەتەيىك, الماتىلىقتار بۇعان دەيىن دە كورەرمەن سانى بويىنشا بىرنەشە رەت كوش باستاعان. «قايرات» ۇزدىك كورسەتكىشكە 2015–2017 جىلدارى قاتارىنان ۇش ماۋسىم بويى جانە 2021 جىلى قول جەتكىزگەن. 

ەسكە سالساق, بۇدان بۇرىن زاينۋتدينوۆتىڭ قازاقستان ۇلتتىق قۇراماسىنىڭ قاراشا ايىنداعى ويىندارىنا قاتىسپايتىنىن جازعانبىز.