اقش-تىڭ ميسسيسيپي شتاتىندا پوليتسييا جول اپاتىنان كەيىن قاشىپ كەتكەن زەرتحانالىق مايمىلدى ىزدەستىرىپ جاتىر. بيلىك مالىمەتىنشە, جانۋارعا گەپاتيت C, گەرپەس جانە كوروناۆيرۋس ينفەكتسييالارى جۇقتىرىلعان, دەپ حابارلايدى Shalqar.kz BILD اقپارات اگەنتتىگىنە سىلتەمە جاساپ.

وقيعا 28 قازاندا حايدەلьبەرگ قالاشىعىنىڭ ماڭىندا بولدى. تьيۋلەين ۋنيۆەرسيتەتىنىڭ مەديتسينالىق زەرتحاناسىنان ماكاكالار توبىن تاسىمالداپ كەلە جاتقان جۇك كولىگى جول جيەگىنە شىعىپ كەتكەن. جان-جاققا شاشىلعان اعاش جاشىكتەر ارقىلى بىرنەشە جانۋار قاشىپ كەتكەن. پوليتسييا دەرەگىنشە, مايمىلداردىڭ باسىم بولىگى ۇستالدى, الايدا بىرەۋى الى كۇنگە دەيىن تاپتىرماي جۇر.

بيلىك تۇرعىنداردان جانۋارعا جاقىنداماۋدى جانە ونى ۇستاۋعا ارەكەت جاساماۋدى سۇرادى.

«بىز الى دە بوستاندىقتا جۇرگەن بىر مايمىلدى ىزدەۋدى جالعاستىرىپ جاتىرمىز. ەشقانداي جاعدايدا ونى ۇستاماڭىزدار, بۇل دەنساۋلىققا قاۋىپتى بولۋى مۇمكىن», دەلىنگەن پوليتسييا مالىمدەمەسىندە.

لابوراتورييا مالىمەتىنشە, بۇل ۆيرۋس جۇقتىرىلعان جانۋارلار جىنىستىق ينفەكتسييالار جانە رەسپيراتورلىق ۆيرۋستار بويىنشا زەرتحانالىق سىناقتا قولدانىلعان.

ەسكە سالا كەتسەك, قىزىلوردادا جانۋار تىستەگەن 1,5 مىڭنان استام ادام دارىگەرگە جۇگىنگەن. 

ال الماتى قالاسى سانيتارييالىق-ەپيدەميولوگييالىق باقىلاۋ دەپارتامەنتىنىڭ باسشىسى قاڭعىباس جانۋارلاردان دەرماتوميكوز جۇعۋى مۇمكىن ەكەنىن حابارلادى.