1 جەلتوقساننان باستاپ قازاقستاندا جاڭا قارجىلىق قۇرال — جەكە تۇلعالارعا ارنالعان اۆتوليزينگ جۇيەسى جۇمىس ىستەي باستايدى. مەحانيزمدى ساۋدا جانە ينتەگراتسييا مينيسترلىگى ازىرلەدى جانە ول ىشكى ساۋدا ەرەجەلەرىنە ەنگىزىلەتىن وزگەرىستەر جوباسىنا قوسىلدى.

1 جەلتوقساندا ازاماتتارعا ارنالعان اۆتوليزينگ ىسكە قوسىلادى. بۇل تۋرالى ماجىلىس دەپۋتاتى, Respublica پارتيياسىنىڭ مۇشەسى ولجاس قۇسبەكوۆ Instagram پاراقشاسىندا جازدى, دەپ حابارلايدى Shalqar.kz.

ونىڭ ايتۋىنشا, 1 جەلتوقساننان باستاپ قازاقستاندا جاڭا قارجىلىق قۇرال — جەكە تۇلعالارعا ارنالعان اۆتوليزينگ جۇيەسى جۇمىس ىستەي باستايدى. بۇل باستاما پرەزيدەنت قاسىم-جومارت توقاەۆتىڭ الەۋمەتتىك جۇكتەمەنى ازايتۋ جانە حالىقتى قولداۋ جونىندەگى داعدارىسقا قارسى شارالار اياسىنداعى تاپسىرماسىنا سايكەس جۇزەگە اسىرىلىپ جاتىر.

بۇعان دەيىن مەملەكەت باسشىسى ازاماتتارعا اۆتوكولىك قولجەتىمدىلىگىن ارتتىرۋ شارالارىن كەڭەيتۋدى تاپسىرعان بولاتىن. ەندى جەڭىلدەتىلگەن اۆتونەسيە باعدارلاماسىمەن قاتار, ازاماتتار ۇشىن اۆتوكولىكتى ليزينگ ارقىلى الۋ, كەيىن ونى ساتىپ الۋ نەمەسە قايتارۋ مۇمكىندىگى پايدا بولادى.

مەحانيزمدى ساۋدا جانە ينتەگراتسييا مينيسترلىگى ازىرلەدى جانە ول ىشكى ساۋدا ەرەجەلەرىنە ەنگىزىلەتىن وزگەرىستەر جوباسىنا قوسىلدى. قۇجات «اشىق نقا» پورتالىندا جارييا تالقىلاۋعا شىعارىلدى.

دەپۋتات ولجاس قۇسبەكوۆتىڭ ايتۋىنشا, دال وسىنداي مۇمكىندىك ەنگىزۋ يدەياسىن Respublica پارتيياسى 2023 جىلى العاش بولىپ ۇسىنعان.

«كولىك ساتىپ الۋداعى قارجىلىق قيىندىقتار كوپتەگەن قازاقستاندىققا تانىس. بارلىعىنىڭ بىردەي قىمبات نەسيە الۋعا نەمەسە باستاپقى جارنانى جىلدار بويى جيناۋعا مۇمكىندىگى جوق. بىز بۇل ماسەلەنى ەكى جىل بۇرىن كوتەرگەن ەدىك, بۇگىن سول باستاما جۇزەگە اسىپ وتىر: پرەزيدەنتتىڭ تاپسىرماسى بويىنشا جەكە تۇلعالارعا ارنالعان اۆتوليزينگ تەتىگى ىسكە قوسىلادى. بۇل — ازاماتتار ۇشىن كولىكتى شىنىمەن قولجەتىمدى ەتۋدىڭ ناقتى قادامى», — دەدى دەپۋتات.

ساۋدا جانە ينتەگراتسييا مينيسترلىگى اۆتوليزينگتى ەنگىزۋ كولىككە قولجەتىمدىلىكتى ارتتىرىپ, ىشكى نارىقتى دامىتۋعا جانە باسەكەلەستىك ورتانى نىعايتۋعا ىقپال ەتەدى دەپ وتىر.

«بىزدىڭ مىندەتىمىز — ليزينگتى باسقا شارتتاعى اۆتونەسيەگە اينالدىرماي, شىنىمەن دە حالىققا ىڭعايلى, يكەمدى ارى تيىمدى قۇرالعا اينالدىرۋ», — دەپ قوستى ولجاس قۇسبەكوۆ.