1 jeltoqsannan bastap Qazaqstanda jaña qarjılıq qwral — jeke twlğalarğa arnalğan avtolizing jüyesi jwmıs istey bastaydı. Mehanizmdi Sauda jäne integraciya ministrligi äzirledi jäne ol işki sauda erejelerine engiziletin özgerister jobasına qosıldı.

1 jeltoqsanda azamattarğa arnalğan avtolizing iske qosıladı. Bwl turalı Mäjilis deputatı, Respublica partiyasınıñ müşesi Oljas Qwsbekov Instagram paraqşasında jazdı, dep habarlaydı Shalqar.kz.

Onıñ aytuınşa, 1 jeltoqsannan bastap Qazaqstanda jaña qarjılıq qwral — jeke twlğalarğa arnalğan avtolizing jüyesi jwmıs istey bastaydı. Bwl bastama prezident Qasım-Jomart Toqaevtıñ äleumettik jüktemeni azaytu jäne halıqtı qoldau jönindegi dağdarısqa qarsı şaralar ayasındağı tapsırmasına säykes jüzege asırılıp jatır.

Bwğan deyin memleket basşısı azamattarğa avtokölik qoljetimdiligin arttıru şaraların keñeytudi tapsırğan bolatın. Endi jeñildetilgen avtonesie bağdarlamasımen qatar, azamattar üşin avtokölikti lizing arqılı alu, keyin onı satıp alu nemese qaytaru mümkindigi payda boladı.

Mehanizmdi Sauda jäne integraciya ministrligi äzirledi jäne ol işki sauda erejelerine engiziletin özgerister jobasına qosıldı. Qwjat «Aşıq NQA» portalında jariya talqılauğa şığarıldı.

Deputat Oljas Qwsbekovtıñ aytuınşa, däl osınday mümkindik engizu ideyasın Respublica partiyası 2023 jılı alğaş bolıp wsınğan.

«Kölik satıp aludağı qarjılıq qiındıqtar köptegen qazaqstandıqqa tanıs. Barlığınıñ birdey qımbat nesie aluğa nemese bastapqı jarnanı jıldar boyı jinauğa mümkindigi joq. Biz bwl mäseleni eki jıl bwrın kötergen edik, bügin sol bastama jüzege asıp otır: prezidenttiñ tapsırması boyınşa jeke twlğalarğa arnalğan avtolizing tetigi iske qosıladı. Bwl — azamattar üşin kölikti şınımen qoljetimdi etudiñ naqtı qadamı», — dedi deputat.

Sauda jäne integraciya ministrligi avtolizingti engizu kölikke qoljetimdilikti arttırıp, işki narıqtı damıtuğa jäne bäsekelestik ortanı nığaytuğa ıqpal etedi dep otır.

«Bizdiñ mindetimiz — lizingti basqa şarttağı avtonesiege aynaldırmay, şınımen de halıqqa ıñğaylı, ikemdi äri tiimdi qwralğa aynaldıru», — dep qostı Oljas Qwsbekov.