Қазақстанның бірнеше облысында қолайсыз ауа райы күтілуде. Синоптиктердің болжамынша, кей өңірлерде қар жауып, бұрқасын соғады, көктайғақ пен тұман болады,деп хабарлайды Shalqar.kz

Жамбыл, Түркістан, Жетісу, Шығыс Қазақстан және Абай облыстарының таулы аймақтарында жаңбыр мен қар түрінде жауын-шашын күтіледі.

Ақмола, Қарағанды, Солтүстік Қазақстан, Қостанай, Павлодар және Ұлытау облыстарында қар, бұрқасын мен көктайғақ болжанып отыр. Кей жерлерде желдің жылдамдығы 15-28 м/с дейін күшеюі мүмкін. Астана мен Шымкент қалаларында жаңбыр аралас қар жауып, көктайғақ пен тұман түсуі ықтимал.

Батыс Қазақстан, Атырау, Ақтөбе және Қызылорда облыстарында да тұман мен көктайғақ сақталады.