قازاقستان جۋرناليستەر وداعى (قجو) تۇرىك بۇقارالىق اقپارات قۇرالدارىمەن مەموراندۋمعا قول قويدى, دەپ حابارلايدى Shalqar.kz.

الماتىدا سارسەنبى كۇنى ۇلتتىق باسپاسوز كلۋبىنىڭ كەڭسەسىندە قازاقستان جۋرناليستەر وداعىنىڭ توراعاسى سەيتقازى ماتاەۆ قۇرامىندا تۇرىك الەمى جۋرناليستەر فەدەراتسيياسىنىڭ توراعاسى ماندەريس دەمير, تۇركييا جۋرناليستەر فەدەراتسيياسىنىڭ توراعاسى يىلماز كارادجا, تۇرىك ينتەرنەت-مەديا قاۋىمداستىعىنىڭ پرەزيدەنتى سۇلەيمان باسا, وزبەك مەديا وكىلى ميازامحون يبراگيموۆا, جۋرناليستيكا فاكۋلьتەتىنىڭ دەكانى پروفەسسور اينە ەليف كايا, قازاقستانداعى تۇركييا كونسۋلدىعىنىڭ قىزمەتكەرلەرى جانە باق وكىلدەرى بار دەلەگاتسييامەن كەزدەستى.

سەيتقازى ماتاەۆ قازاقستان جۋرناليستەر وداعىنىڭ قىزمەتى تۋرالى, سونداي-اق تۇركىتىلدەس ەلدەرمەن جۇمىستىڭ پەرسپەكتيۆالارى تۋرالى ايتتى.

سپيكەرلەردىڭ بارلىعى زورلىق-زومبىلىق, تەرروريزم جانە جالعان اقپاراتتى ناسيحاتتاۋعا قارسى جۋرناليستەر كۇشىن بىرىكتىرۋدىڭ ماڭىزدىلىعى تۋرالى بىراۋىزدان پىكىر بىلدىردى.

تۇركىتىلدەس ەلدەردىڭ مەديا سالاسىن دامىتۋ پەرسپەكتيۆالارى, بالالار مەن جاستاردى تاربيەلەۋ, ولارعا وتباسىلىق قۇندىلىقتاردى دارىتۋ, ۇلان-عايىر ەۋرازييالىق كەڭىستىكتى مەكەندەيتىن حالىقتاردىڭ سالت-داستۇرلەرىن زەرتتەۋ ماسەلەلەرى تالقىلاندى.

جۋرناليستىك ۇيىم باسشىلارى كوپجاقتى ىنتىماقتاستىققا قاتىستى بىرنەشە ۇسىنىس ايتتى.

كەزدەسۋ قورىتىندىسىندا قازاقستان جۋرناليستەر وداعى مەن تۇرىك باق-تارى اراسىندا ىنتىماقتاستىق تۋرالى مەموراندۋمعا قول قويىلدى. كونفەرەنتسييا قاتىسۋشىلارى بۇل شارانى باۋىرلاس حالىقتاردىڭ مەديا سالاسىنىڭ دامۋىنداعى جاڭا كەزەڭنىڭ باستاۋى دەپ اتادى.