Солтүстік және шығыс аймақтарда қаңтардың қатты аяздары күшейіп, ауа температурасы түнде -35 градусқа дейін төмендеді. Ал Шығыс Қазақстанның кейбір аудандарында термометр бағаны -40 градусқа жетті. Тіпті оңтүстік өңірлердің өзінде ауа температурасы -28 градусқа дейін суытты,деп хабарлайды Shalqar.kz

Синоптиктердің мәліметінше, еліміздің көп бөлігінде солтүстік-батыс циклонының ықпалы сақталып отыр.

 Ауа райының қолайсыздығына байланысты бірнеше өңірде оқушылар сабақтарын онлайн форматта жалғастырады. Сондай-ақ, қарлы боран мен қатты аяз салдарынан кейбір аймақтарда тас жолдарда көлік қозғалысына шектеу қойылған. Қазір Астанада температура -33 градус көрсетіп тұр, бірақ желдің әсерінен -43 градус секілді сезіледі.