Еліміздің бірқатар аймағында ауа райының қолайсыздығына байланысты мектептер қашықтан оқыту форматына ауыстырылды, деп хабарлайды Shalqar.kz

• Астана қаласы: 0-ден 9-сыныпқа дейінгі 1-ауысымдағы оқушылар онлайн оқуға көшті. Бұл туралы Астана қаласы әкімдігінің мониторинг және жедел әрекет ету орталығы хабарлады.

“2025 жылдың 22 қаңтарында ауа райының қолайсыздығына байланысты 1-ауысымдағы 0-9 сынып оқушылары қашықтан оқыту форматына көшеді”, – делінген хабарламада.

• Павлодар облысы: Қатты желдің күшеюіне байланысты (екпіні 21 м/с дейін) Ақсу қаласы мен ауылдық аймақта 1-ауысымдағы 0-4 сынып оқушылары қашықтан оқуға ауыстырылды. Бұл 3123 оқушыны қамтыды. Оқушыларды мектепке жеткізу тоқтатылды. Павлодар қаласында да мектепке дейінгі және 1-11 сынып оқушылары қашықтан оқытуға жіберілді. Бұл шешім 9-сынып базасында оқитын 1-2 курс студенттеріне де қатысты.

• Абай облысы: Ауа райының қолайсыздығына байланысты 1-ауысымдағы оқушылар үшін сабақтар тоқтатылды.

 Аталған шешімдер оқушылардың қауіпсіздігін қамтамасыз ету мақсатында қабылданды.