Қазақстанда тұрмыстық қатты қалдықтарды сұрыптау және қайта өңдеу бағытында 41 зауыт салу жоспарланып отыр. Бұл мәселе Үкімет отырысында талқыланды,деп хабарлайды Shalqar.kz

Экология және табиғи ресурстар министрлігінің дерегінше, қазіргі уақытта жалпы құны 307 млрд теңгені құрайтын 65 жоба қаралуда. Олардың ішінде 41 жоба қоқысты қайта өңдеуге бағытталған.

Бұл зауыттардың жылдық өңдеу қуаты 1,1 млн тоннаны құрайды деп күтілуде. Аталған жобаларды іске асыру арқылы елімізде 4,5 мыңнан астам жаңа жұмыс орны ашылып, экономикаға 54,6 млрд теңге жеке инвестиция тартылмақ.

 Экологияны жақсарту мен қалдықтарды тиімді пайдалануды көздейтін бұл бастама еліміздің тұрақты дамуына оң ықпалын тигізеді.