بەلьگييا استاناسىندا شەتەلدە تۇراتىن وتانداستاردى قولداۋعا جانە گۋمانيتارلىق بايلانىستاردى نىعايتۋعا باعىتتالعان جاڭا الاڭ - قازاق مادەني ورتالىعى وز جۇمىسىن باستادى, دەپ حابارلايدى Shalqar.kz. بۇل ورتالىقتا بالالار مەن ەرەسەكتەر قازاق تىلىن ۇيرەنىپ, ۇلتتىق داستۇرلەرمەن تانىسىپ, شىعارماشىلىق قابىلەتتەرىن دامىتا وتىرىپ, تۋعان ەلدىڭ مادەنيەتىمەن بايلانىسىن ساقتاي الادى.

قازاقستاننىڭ بەلьگيياداعى ەلشىسى رومان ۆاسيلەنكو ورتالىقتىڭ اشىلۋى مادەني ىنتىماقتاستىقتى كەڭەيتۋگە سەرپىن بەرەتىنىن اتاپ وتتى:
«قازاق مادەني ورتالىعىنىڭ اشىلۋى شەتەلدە تۇراتىن وتانداستارىمىزدى قولداۋداعى ماڭىزدى قادام. بۇل جوبا تىلىمىزدى, داستۇرىمىزدى جانە مادەني بىرەگەيلىگىمىزدى, اسىرەسە جاستار اراسىندا, ساقتاۋعا وز ۇلەسىن قوسادى», – دەدى.

قازاق مادەني ورتالىعى تۇراقتى نەگىزدە جۇمىس ىستەپ, تىل كۋرستارىن, شىعارماشىلىق ستۋدييالاردى, دومبىرا ساباقتارىن, مادەني باعدارلامالار مەن بىلىم بەرۋ باستامالارىن ۇسىنادى. ورتالىق ەۋروپادا تۇراتىن قازاقستاندىقتار ۇشىن ماڭىزدى باس قوسۋ ورنىنا اينالىپ, بەلьگييا مەن قازاقستان اراسىنداعى رۋحاني-مادەني كوپىر بولماق.