دانييا وز ەلىندە بالالاردىڭ الەۋمەتتىك جەلىلەردى پايدالانۋىنا تىيىم سالۋ ماسەلەسىن قاراستىرىپ جاتىر, دەپ حابارلايدى Shalqar.kz.

دانييا بيلىگى قاراستىرىپ جاتقان زاڭ جوباسىنداعى تالاپتارعا سايكەس, بالالار بەلگىلى بىر پلاتفورمالارعا اتا-اناسىنىڭ رۇقساتىمەن عانا كىرەتىن بولادى.

بۇل زاڭ جوباسى الداعى ايلاردا قابىلدانۋى مۇمكىن. قازىر دانييادا 13 جاسقا دەيىنگى بالالاردىڭ 94 پايىزىندا عالامتوردا كەم دەگەندە بىر پاراقشا بار. بيلىك وكىلدەرى شارا كامەلەتكە تولماعانداردى تسيفرلىق ورتانىڭ كەرى اسەرىنەن قورعايدى دەپ ەسەپتەيدى.

وسىنداي باستامانى ەۋروپانىڭ وزگە دە ەلدەرى تالقىلاپ جاتىر. فرانتسييا, يسپانييا مەن گرەتسييا الەۋمەتتىك جەلى قولدانۋشىلارىنا مىندەتتى جاس شەكتەۋلەرىن ەنگىزۋگە نيەتتى.