الماتىدا 3,6 مىڭنان استام سپورت نىسانى جۇمىس ىستەيدى, دەپ حابارلايدى Shalqar.kz. بۇل تۋرالى قالالىق سپورت باسقارماسىنىڭ وكىلدەرى ايتتى.

2024–2025 جىلدارى التى جاڭا دەنە شىنىقتىرۋ-ساۋىقتىرۋ كەشەنى پايدالانۋعا بەرىلدى, سونداي-اق جەكە ينۆەستيتسييا ەسەبىنەن ەكى سپورت كەشەنى بوي كوتەردى. الاتاۋ اۋدانىنداعى نۇركەنت شاعىناۋدانىندا ينۆەستورلار اياقتاعان جاڭا تەننيس ورتالىعى اشىلدى. «تۇلپار» كەشەنى ۇلتتىق سپورت تۇرلەرىن دامىتۋ ۇشىن كوممۋنالدىق مەنشىككە قايتارىلدى, رايىمبەك داڭعىلىندا ەرەكشە قاجەتتىلىگى بار ادامدارعا ارنالعان سپورت ورتالىعىنىڭ قۇرىلىسى باستالدى.

2027 جىلدىڭ سوڭىنا دەيىن ناۋرىزباي, الاتاۋ جانە تۇركسىب اۋداندارىندا جالپى اۋدانى 71 مىڭ شارشى مەتر بولاتىن التى دەنە شىنىقتىرۋ-ساۋىقتىرۋ كەشەنى  سالۋ جوسپارلانىپ وتىر. سونداي-اق  ۇش سپورت مەكتەبىن جاڭعىرتۋ كوزدەلگەن: №9 سپورت مەكتەبى ۇشىن سەيسميكالىق كۇشەيتۋمەن بىرگە كۇردەلى جوندەۋگە قۇجاتتاما ازىرلەنىپ جاتىر; سپورتتا دارىندى بالالارعا ارنالعان مەكتەپ-ينتەرنات ساراپتامانىڭ وڭ قورىتىندىسىن الدى; №2 سپورت مەكتەبى ۇشىن كۇردەلى جوندەۋ جوباسى جاسالىپ جاتىر.

بۇعان قوسا, جىل سوڭىنا دەيىن الماتىدا 20-دان استام مۇز ايدىنىن اشۋ جوسپارلانعان, دەپ اتاپ وتتى قالالىق سپورت باسقارماسىنىڭ وكىلدەرى.