Almatıda 3,6 mıñnan astam sport nısanı jwmıs isteydi, dep habarlaydı Shalqar.kz. Bwl turalı qalalıq Sport basqarmasınıñ ökilderi ayttı.

2024–2025 jıldarı altı jaña dene şınıqtıru-sauıqtıru keşeni paydalanuğa berildi, sonday-aq jeke investiciya esebinen eki sport keşeni boy köterdi. Alatau audanındağı Nwrkent şağınaudanında investorlar ayaqtağan jaña tennis ortalığı aşıldı. «Twlpar» keşeni wlttıq sport türlerin damıtu üşin kommunaldıq menşikke qaytarıldı, Rayımbek dañğılında erekşe qajettiligi bar adamdarğa arnalğan sport ortalığınıñ qwrılısı bastaldı.

2027 jıldıñ soñına deyin Naurızbay, Alatau jäne Türksib audandarında jalpı audanı 71 mıñ şarşı metr bolatın altı dene şınıqtıru-sauıqtıru keşeni  salu josparlanıp otır. Sonday-aq  üş sport mektebin jañğırtu közdelgen: №9 sport mektebi üşin seysmikalıq küşeytumen birge kürdeli jöndeuge qwjattama äzirlenip jatır; sportta darındı balalarğa arnalğan mektep-internat saraptamanıñ oñ qorıtındısın aldı; №2 sport mektebi üşin kürdeli jöndeu jobası jasalıp jatır.

Bwğan qosa, jıl soñına deyin Almatıda 20-dan astam mwz aydının aşu josparlanğan, dep atap ötti qalalıq Sport basqarmasınıñ ökilderi.