Elimizde balalar halıqtıñ üşten birin — 34%-ın qwraydı, äri bwl körsetkiş jıldan-jılğa twraqtı ösip keledi, dep habarlaydı Shalqar.kz. Mwnday demografiyalıq serpin memleket sayasatınıñ balalardı qorğauğa bağıttalğan twraqtı sipatın ayqın körsetedi. Birikken Wlttar Wyımı jäne özge de halıqaralıq wyımdar Qazaqstannıñ balalardıñ qwqıqtarı men äl-auqatın qamtamasız etu isinde qol jetkizgen twraqtı nätijelerin atap ötude.

Osı oñ ürdistiñ ayasında Qazaqstan tuu turalı aktilerdi tirkeu körsetkişi eñ joğarı elderdiñ qatarınan orın aldı. Bwl körsetkiş qazirgi tañda 100%-ğa juıqtap, bala qwqıqtarın qorğau jönindegi halıqaralıq standarttarğa tolıq say keledi.

Memlekettik sayasattağı basım bağıttardıñ biri — balalarğa wzaq merzimdi qarjılıq qoldau körsetu. Qazaqstan — tabiği resurstardan tüsetin tabıstıñ bir böligin tikeley balalardıñ igiligine bağıttaytın sirek elderdiñ biri. 2024 jıldan bastap «Wlttıq qor – balalarğa» bağdarlaması ayasında qordıñ investiciyalıq tabısınıñ 50%-ı kämeletke tolmağan azamattardıñ jeke jinaq şottarına audarılıp keledi. 2025 jılı är balağa şamamen 130 AQŞ dolları köleminde qarajat bölindi. Bwl qoldau 324 mıñnan astam balanı qamtıdı. Eki jıl işinde bir balağa şaqqanda jinalğan ortaşa soma 233 AQŞ dolların qwradı.

Balalardı sapalı jäne qwnarlı tamaqpen qamtamasız etu de bastı nazarda. 2023 jıldan bastap elimizdegi barlıq bastauış sınıp oquşıları 100% tegin ıstıq tamaqpen qamtıluda. Bwl 1,7 millionnan astam balanı qamtıdı. Sonday-aq balabaqşalarda 953 mıñ tärbielenuşi tegin tamaqpen qamtamasız etildi. Osı maqsatqa jergilikti byudjetterden 207,4 milliard teñge bölindi.

YUNISEF jürgizgen 2024 jılğı MICS zertteuiniñ nätijeleri boyınşa, Qazaqstandağı balalardıñ tamaqtanu körsetkişteri Europa men Ortalıq Aziya elderiniñ deñgeyine say keledi. Sarapşılar bwl körsetkişterdiñ twraqtılığın jäne kürt auıtqulardıñ bolmauın erekşe atap ötti. Bwl — mektepke deyingi jäne mekteptegi tamaqtanu sapasın arttıruğa bağıttalğan memlekettik şaralardıñ tiimdiliginiñ däleli.

Balalardıñ qauipsizdigin qamtamasız etu maqsatında elimizde zañnamalıq baza da nığaytıldı. Kämeletke tolmağandarğa qatıstı auır sipattağı qılmıstar üşin jauapkerşilik küşeytildi. Endi mwnday isterdi tatulasu arqılı toqtatuğa zañmen tıyım salınğan. Eñ auır qılmıstar üşin ömir boyına bas bostandığınan ayıru jazası qarastırılğan.

«Bala — memlekettiñ aynası. Eger onıñ qauipsizdigine qatıstı mäsele köterilse, eşqanday ımırağa jol berilmeydi. Qazaqstan bwl twrğıda nöldik tözimdilik qağidatın wstanadı. Zañ balanı tolıq qorğauı tiis. Biz bwl qorğau şınayı äri tiimdi jwmıs isteui üşin naqtı şaralar qabıldap jatırmız. Ärbir bala memleketten teñ mümkindik pen senimdi qoldau aluı kerek. Öytkeni bwl — elimizdiñ bolaşağın qalıptastıratın berik negiz», — dedi QR Oqu-ağartu ministrligi Balalardıñ qwqıqtarın qorğau komitetiniñ törağası Nasımjan Ospanova.

Balalardı qorğau jüyesi institucionaldıq twrğıdan da nığayuda. Alğaş ret zañnamalıq deñgeyde är 5 mıñ balağa bir qamqorşılıq jäne qorğanşılıq organı mamanı belgilendi. Bwl kadrlar sanınıñ 303-ten 1028 mamanğa deyin artuına mümkindik berdi. Osılayşa Qazaqstan TMD keñistiginde bala qwqıqtarın qorğau salasında birıñğay kadrlıq standarttar engizgen alğaşqı elderdiñ biri boldı.

2026 jıldan bastap elimizde balalardı qoldau men damıtuğa bağıttalğan barlıq şaralardı biriktiretin «Qazaqstan balaları» attı birıñğay wlttıq bağdarlama iske qosıladı. Bwl bağdarlama balanıñ ömirlik jolınıñ barlıq kezeñin qamtitın keşendi wlttıq strategiyağa aynalmaq.