دەموگرافيياعا كوز جۇگىرتۋىمىزدىڭ بىر سەبەبى قازىر الەمدە سۇربويداق پەن كارى قىز كوبەيدى, دەپ حابارلايدى Shalqar.kz “Economist” باسىلىمىنا سىلتەمە جاساپ. Economist باسىلىمىنىڭ دەرەگى بويىنشا وردا بۇزار وتىزعا جەتسە دە, ۇيلەنۋگە, ۇي بولۋعا اسىقپايتىن جاستار بار جانە ولار كەدەي-كەپشىك ەمەس, ەكونوميكاسى دامىعان 30 ەلدە كوپ. ماسەلەن, اقش-تا قىزداردىڭ 41%-ى, ال ەرلەردىڭ 50%-ى بويداق. بۇعان نە سەبەپ? ۆيرتۋالدى الەم ادامدار اراسىندا شىنايى قارىم-قاتىناس پەن سەزىمگە سىزات تۇسىرگەندەي. تىپتى الەمنىڭ دامىعان ەلدەرىندە, ياعني تۇرمىس تىرشىلىگى تاۋىر قىز-جىگىتتەر وتباسىن قۇرۋعا اسىعار ەمەس. الەمدە سۇربويداق پەن كارى قىز كوبەيدى كەيىنگى 8 جىلدا جاھاندا سۇربويداق پەن كارى قىز سانى 100 ملن-عا ارتتى. مۇنى Economist باسىلىمىنىڭ زەرتتەۋى كورسەتتى. ماسەلەن, الەۋمەتتىك جەلى ارقىلى ومىرلىك سەرىگىن ىزدەيتىن بۇرىمدىلار بويى 180 سانتيمەتردەن اساتىن جىگىتتەردى ىزدەيدى. سۇڭعاق بويلى ەرلەر از بولعاندىقتان, بويداق جىگىتتەردىڭ 85%-ى بۇل سۇزگىدەن وتە المايدى. كەلەسى كريتەريي – بىلىم دەڭگەيى. دامىعان ەلدەردە وقىعان-توقىعان ازاماتتاردىڭ سانى قىز-كەلىنشەكتەرگە قاراعاندا كوپ ەمەس. ياعني بۇرىمدىلار ومىردىڭ قىزىعى مەن قيىندىعىن قاتار كورۋگە قورقاتىن تارىزدى. سوندىقتان ارمان شىركىن الداماسا, بىردەن باقۋاتتى جىگىتكە تۇرمىسقا شىققىسى كەلەدى. ەندىگى بىر سوراقىسى, كەي ەلدە جار تابا الماي جۇرگەن ەركەكتەر روبوتقا ۇيلەنۋ جاعىن ويلانا باستاعان. ماسەلەن, جاپونييادا نەكەسىن قيدىرىپ جاتقاندار دا بار.