Jıl sayın Qazaqstanda JRVI-men 3-4 mln adam, al twmaumen 2 mıñ adam auıradı, dep habarlaydı Shalqar.kz “Qazaqstan Respublikasınıñ Prezidenti janındağı Ortalıq kommunikaciyalar qızmetine” silteme jasap. Ağımdağı epidemiologiyalıq mausım bastalğannan beri elde JRVI-diñ 1,5 mln jağdayı tirkeldi. Ötken jıldıñ säykes kezeñimen salıstırğanda bwl körsetkiş 20%-ğa tömen. Bwl turalı OKQ alañında ötken baspasöz mäslihatında QR densaulıq saqtau birinşi vice-ministri Timur Swltanğaziev mälimdedi.

14 jasqa deyingi balalar arasında 1 millionğa juıq jağday tirkelgen. Epidemiyalıq mausım bastalğannan beri twmaudıñ 590 jağdayı zerthanalıq twrğıdan rastaldı. Sonday-aq A tipti twmaudıñ 587 jağdayı tirkeldi. 

Jaqında äleumettik jelilerde Gonkong dep atalatın virustıñ taraluı turalı qauesetter belsendi türde taraluda, bwl halıq arasında twmaudıñ jaña erekşe ştammınıñ payda boluı turalı qate oy tuğızadı. Osığan baylanıstı resmi tüsinikteme bergim keledi: köbinese Gonkong dep atalatın A (H3N2) twmauı jaña virus emes. Ol alğaş ret 1968 jılı anıqtaldı. Sol kezden bastap ol älem boyınşa ünemi aynalımda boldı. Qazaqstan Respublikasınıñ aumağında bwl virus köp jıl boyı bar. Onı merzimdi tirkeu mausımdıq epidemiologiyalıq procestiñ bir böligi bolıp tabıladı», – dep tüsindirdi spiker.

QR densaulıq saqtau birinşi vice-ministriniñ aytuınşa, ağımdağı jılı twmau aynalımı qazan ayınıñ birinşi jartısında bastaldı. YAğni, ötken jılğı epidemiologiyalıq mausımnan säl erterek. Bwrın Qazaqstan aumağında aynalımda bolmağan twmaudıñ jaña türleri anıqtalğan joq. 

Timur Swltanğaziev anıqtalğan virustar ağımdağı mausımnıñ vakcina ştammdarına tolıq säykes keletindigin, bwl vakcinalaudı aurudıñ kürdeli türleriniñ aldın aluda erekşe özekti jäne tiimdi etetindigin atap ötti. Büginde elimizde twmauğa qarsı 2,1 mln adam ekpe aldı.

Sonımen qatar Densaulıq saqtau ministrligi twmauğa qatısı joq virustardıñ aynalımına monitoring jürgizude. Jalpı el boyınşa 3 mıñnan astam ülgi zertteldi. Nätijesinde türli virustıñ, sonıñ işinde rinovirus, parogripp, adenovirus, bokovirus, koronavirus, RS virusınıñ aynalımı anıqtaldı.

«Jalpı JRVI-men auıratındardıñ 66%-ı – balalar, 34%-ı – eresekter. Soñğı aptada elde JRVI-diñ 183 mıñ jağdayı tirkeldi. Bir apta işinde oquşılar arasında JRVI-diñ 6 mıñnan astam jağdayı jäne twmaudıñ 13 jağdayı tirkeldi. JRVI-men auıratın nauqastardıñ jalpı sanınıñ 4%-ı – mektep oquşıları», – dep tolıqtırdı spiker.