قازاقستان رەسپۋبليكاسىنىڭ ۇلتتىق كىتاپحاناسىندا ادەبيەت سالاسىنداعى جاساندى ينتەللەكت تاقىرىبىندا عىلىمي كونفەرەنتسييا وتتى, دەپ حابارلايدى Shalqar.kz “مادەنيەت جانە اقپارات مينيسترلىگىنە” سىلتەمە جاساپ.

ىس-شارا قازىرگى كەزەڭنىڭ وزەكتى ماسەلەلەرىنىڭ بىرى – جاساندى ينتەللەكتىڭ ادەبيەت پەن مادەنيەت سالالارىنا ىقپالىن عىلىمي تۇرعىدان تالداۋعا باعىتتالدى.

ىس-شارا بارىسىندا ادەبيەتتانۋشىلار, قالامگەرلەر, زەرتتەۋشىلەر مەن سالا ماماندارى بايانداما جاساپ, اشىق پىكىر الاڭى ۇيىمداستىرىلدى. ولار جاساندى ينتەللەكتىڭ مۇمكىندىكتەرى مەن سىن-قاتەرلەرىن, سونداي-اق شىعارماشىلىق ەركىندىك پەن ەتيكالىق جاۋاپكەرشىلىك ماسەلەلەرىن سوز ەتتى.

كونفەرەنتسيياعا قازاقستان جازۋشىلار وداعىنىڭ مۇشەلەرى, م. اۋەزوۆ اتىنداعى ادەبيەت جانە ونەر ينستيتۋتىنىڭ عالىمدارى, ۇلتتىق مەملەكەتتىك كىتاپ پالاتاسى مەن ال-فارابي اتىنداعى قازاق ۇلتتىق ۋنيۆەرسيتەتىنىڭ فيلولوگييا فاكۋلьتەتىنىڭ وقىتۋشىلارى جانە جاس زەرتتەۋشىلەرى قاتىستى.