قر عىلىم جانە جوعارى بىلىم مينيسترلىگى مەن «قازاقمىس كورپوراتسيياسى» جشس وزارا ىنتىماقتاستىق تۋرالى مەموراندۋمعا قول قويدى, دەپ حابارلايدى Shalqar.kz. وسى قۇجات اياسىندا ۇلىتاۋ وبلىسىندا جاڭا يننوۆاتسييالىق جوعارى وقۋ ورنى — ۇلىتاۋ ۋنيۆەرسيتەتى قۇرىلماق. مەموراندۋمعا عىلىم جانە جوعارى بىلىم مينيسترى ساياسات نۇربەك پەن «قازاقمىس» كورپوراتسيياسىنىڭ باسقارما توراعاسى نۇراحمەت نۋريەۆ قول قويدى. 

جوبا وڭىردىڭ عىلىمي بىلىم بەرۋ ينفراقۇرىلىمىن دامىتۋعا, تاۋ-كەن-مەتاللۋرگييا كەشەنى ۇشىن جوعارى بىلىكتى كادر دايارلاۋعا جانە زاماناۋي بىلىم بەرۋ ەكوجۇيەسىن قالىپتاستىرۋعا باعىتتالعان. جاڭا ۋنيۆەرسيتەت بىلىم, عىلىم, ونەركاسىپ بىر ارناعا توعىسقان الاڭعا اينالادى جانە ۇلىتاۋ وبلىسىنىڭ ەكونوميكالىق, الەۋمەتتىك الەۋەتىن كۇشەيتۋگە ىقپال ەتەدى.

وقۋ ورنى اقش-تىڭ Colorado School of Mines جانە قازاقستاننىڭ Satbayev University-مەن ىنتىماقتاستىق ورناتۋدى كوزدەپ وتىر. ستۋدەنتتەرگە حالىقارالىق ستاندارتقا ساي باعدارلاما جانە وزىق زەرتتەۋلەر مەن تەحنولوگييالارعا قول جەتكىزۋ مۇمكىندىگى ۇسىنىلادى. وقۋ ۇدەرىسىن كەلەسى اكادەمييالىق وقۋ جىلىندا باستاۋ جوسپارلانعان.

ۋنيۆەرسيتەتتىڭ ينفراقۇرىلىمىنا وقۋ كورپۋسى, 140-150 ورىندىق جاتاقحانا, سپورت كەشەنى جانە زاماناۋي R& D-ورتالىق كىرەدى. مۇندا جاڭا تەحنولوگييالار ازىرلەنىپ, پايدالى قازبالاردى وندىرۋ مەن وڭدەۋدىڭ تيىمدىلىگىن ارتتىرۋعا باعىتتالعان عىلىمي زەرتتەۋلەر مەن جوبالار جۇزەگە اسىرىلادى.

عىلىم جانە جوعارى بىلىم مينيسترلىگى بىلىم بەرۋ باعدارلامالارىن ىسكە قوسۋ كەزىندە ادىستەمەلىك جانە كونسۋلьتاتسييالىق قولداۋ كورسەتەدى. قازاقمىس وقۋ باعدارلامالارىن قارجىلاندىرۋدى, ۇيىمداستىرۋدى جانە قاجەت بولعان جاعدايدا مەملەكەتتىك گرانت تارتۋ ارقىلى بىرلەسىپ قارجىلاندىرۋدى وز موينىنا الادى.

كومپانييا بۇل جوبانى قازاقستاننىڭ عىلىمي الەۋەتىن نىعايتۋ جانە جاڭا بۋىن ينجەنەرلەرى مەن زەرتتەۋشىلەرىن دايارلاۋ جولىنداعى ستراتەگييالىق قادام رەتىندە باعالايدى.