QR Ğılım jäne joğarı bilim ministrligi men «Qazaqmıs korporaciyası» JŞS özara ıntımaqtastıq turalı memorandumğa qol qoydı, dep habarlaydı Shalqar.kz. Osı qwjat ayasında Wlıtau oblısında jaña innovaciyalıq joğarı oqu ornı — Wlıtau universiteti qwrılmaq. Memorandumğa Ğılım jäne joğarı bilim ministri Sayasat Nwrbek pen «Qazaqmıs» korporaciyasınıñ Basqarma törağası Nwrahmet Nuriev qol qoydı. 

Joba öñirdiñ ğılımi bilim beru infraqwrılımın damıtuğa, tau-ken-metallurgiya keşeni üşin joğarı bilikti kadr dayarlauğa jäne zamanaui bilim beru ekojüyesin qalıptastıruğa bağıttalğan. Jaña universitet bilim, ğılım, önerkäsip bir arnağa toğısqan alañğa aynaladı jäne Wlıtau oblısınıñ ekonomikalıq, äleumettik äleuetin küşeytuge ıqpal etedi.

Oqu ornı AQŞ-tıñ Colorado School of Mines jäne Qazaqstannıñ Satbayev University-men ıntımaqtastıq ornatudı közdep otır. Studentterge halıqaralıq standartqa say bağdarlama jäne ozıq zertteuler men tehnologiyalarğa qol jetkizu mümkindigi wsınıladı. Oqu üderisin kelesi akademiyalıq oqu jılında bastau josparlanğan.

Universitettiñ infraqwrılımına oqu korpusı, 140-150 orındıq jataqhana, sport keşeni jäne zamanaui R& D-ortalıq kiredi. Mwnda jaña tehnologiyalar äzirlenip, paydalı qazbalardı öndiru men öñdeudiñ tiimdiligin arttıruğa bağıttalğan ğılımi zertteuler men jobalar jüzege asırıladı.

Ğılım jäne joğarı bilim ministrligi bilim beru bağdarlamaların iske qosu kezinde ädistemelik jäne konsul'taciyalıq qoldau körsetedi. Qazaqmıs oqu bağdarlamaların qarjılandırudı, wyımdastırudı jäne qajet bolğan jağdayda memlekettik grant tartu arqılı birlesip qarjılandırudı öz moynına aladı.

Kompaniya bwl jobanı Qazaqstannıñ ğılımi äleuetin nığaytu jäne jaña buın injenerleri men zertteuşilerin dayarlau jolındağı strategiyalıq qadam retinde bağalaydı.