ولاردىڭ بارى قاراشا ايىنىڭ باسىندا بولعان جويقىن جەر سىلكىنىسى كەزىندە زارداپ شەككەندەر, دەپ حابارلايدى Shalqar.kz. جاردەم جاساۋ ماقساتىمەن بارعان 13 مەديتسينا قىزمەتكەرى ون كۇندىك ميسسييانى ورىنداپ, ەلگە ورالدى. 

قاراشانىڭ ۇشى كۇنى اۋعانستاننىڭ سولتۇستىگىندە جەر سىلكىندى. زىلزالانىڭ كۇشى 6,3 بالعا دەيىن جەتكەن. دۇمپۋ وشاعى مازاري-شاريف قالاسىنىڭ ماڭىندا 28 شاقىرىم تەرەڭدىكتە تىركەلدى. العاشىندا جيىرما ادامنىڭ قازا تاۋىپ, 320 تۇرعىننىڭ جاراقاتتانعانى تۋرالى اقپارات شىقتى. قۇتقارۋ قىزمەتتەرى اپاتتىڭ اۋقىمى مەن جاپا شەككەندەردىڭ سانىن انىقتاۋعا كىرىستى. اراعا ساناۋلى كۇن سالىپ, كابۋل قالاسىنا قازاقستاندىق دارىگەرلەر جىبەرىلگەن بولاتىن. گۋمانيتارلىق ميسسيياسىن ورىنداعان اقحالاتتىلار ەلگە ورالدى. 

13 ادامنان قۇرالعان قازاقستاندىق توپتا حيرۋرگ, نەيروحيرۋرگ, تراۆماتولوگ دارىگەرلەرى مەن جەدەل جاردەم جانە وزگە دە مەديتسينا ماماندارى بار. ولار ناۋقاستاردى ورنالاستىرۋ, حيرۋرگييالىق ەمدىك شارالار جاساۋ جانە بىرلەسكەن تالداۋ جۇرگىزۋگە قولعابىس ەتتى. 

قازاقستاندىق دارىگەرلەر اۋعان جەرىندەگى ۇش اۋرۋحانادا جۇمىس ىستەگەن. ون كۇندە شامامەن 300-دەن استام ناۋقاستى قابىلداپ, 50-دەن اسا وپەراتسييا جاساعان.

ايتا كەتۋ كەرەك, قازاقستاننان اۋعان ەلىنە 18 توننا گۋمانيتارلىق كومەك جونەلتىلگەن بولاتىن. دارى-دارمەك, مەديتسينالىق جابدىقتار مەن شاتىر سيياقتى تۇرمىسقا قاجەتتى تاۋارلار جەتكىزىلگەن.