الماتىدا ينتەرنەت-الاياقتىق جاساۋ ۇشىن قولدانىلعان ارنايى قۇرال-جابدىق تاركىلەندى, دەپ حابارلايدى Shalqar.kz «Polisia.kz»-كە سىلتەمە جاساپ.

الماتى پوليتسييا دەپارتامەنتى كيبەرقىلمىسقا قارسى ىس-قيمىل باسقارماسىنىڭ قىزمەتكەرلەرى, قر ىىم كقد, قالالىق پروكۋراتۋرانىڭ ۇيلەستىرۋىمەن, سونداي-اق ۇقك اۋماقتىق بولىمشەسى جانە بايلانىس وپەراتورىمەن وزارا ىقپالداستىقتا ينتەرنەت-الاياقتىق جاساۋ ۇشىن قولدانىلعان Sim-box تيپتەس ارنايى قۇرال-جابدىقتى انىقتاپ, تاركىلەدى. جەدەل ىس-شارالار بارىسىندا زاڭسىز ترافيك ۇيىمداستىرعان ەكى جاس جىگىت ۇستالدى.

– بىز تەلەكوممۋنيكاتسييالىق جابدىقتى پايدالانا وتىرىپ جاسالاتىن قىلمىستىق سحەمالاردى انىقتاۋ جانە جولىن كەسۋ بويىنشا جۇيەلى جۇمىستى جالعاستىرىپ جاتىرمىز. باستى مىندەتىمىز – زاڭسىز ترافيك ارنالارىنا دەر كەزىندە توسقاۋىل قويۋ, كيبەرقىلمىسكەرلەردىڭ ارەكەتىنە بوگەت جاساۋ جانە ازاماتتاردىڭ قاۋىپسىزدىگىن قامتاماسىز ەتۋ. سەرىكتەس قۇرىلىمدارمەن وزارا ىس-قيمىل مۇنداي قاۋىپتەردى تيىمدى انىقتاۋعا جانە بەيتاراپتاندىرۋعا مۇمكىندىك بەرەدى, - دەدى الماتى پوليتسييا دەپارتامەنتى كيبەرقىلمىسقا قارسى ىس-قيمىل باسقارماسى باستىعىنىڭ ورىنباسارى ەركەبۇلان قويشىباەۆ.

پوليتسييانىڭ حابارلاۋىنشا, بۇل دەرەك بويىنشا قىلمىستىق ىس قوزعالدى. ساراپتامالار تاعايىندالدى.

وقيعانىڭ بارلىق جاي-جاپسارىن جانە وعان قاتىسى بار تۇلعالاردى انىقتاۋعا باعىتتالعان تەرگەۋ ارەكەتتەرى جۇرگىزىلىپ جاتىر.