Almatıda internet-alayaqtıq jasau üşin qoldanılğan arnayı qwral-jabdıq tärkilendi, dep habarlaydı Shalqar.kz «Polisia.kz»-ke silteme jasap.

Almatı policiya departamenti kiberqılmısqa qarsı is-qimıl basqarmasınıñ qızmetkerleri, QR İİM KQD, qalalıq prokuraturanıñ üylestiruimen, sonday-aq WQK aumaqtıq bölimşesi jäne baylanıs operatorımen özara ıqpaldastıqta internet-alayaqtıq jasau üşin qoldanılğan Sim-box tiptes arnayı qwral-jabdıqtı anıqtap, tärkiledi. Jedel is-şaralar barısında zañsız trafik wyımdastırğan eki jas jigit wstaldı.

– Biz telekommunikaciyalıq jabdıqtı paydalana otırıp jasalatın qılmıstıq shemalardı anıqtau jäne jolın kesu boyınşa jüyeli jwmıstı jalğastırıp jatırmız. Bastı mindetimiz – zañsız trafik arnalarına der kezinde tosqauıl qoyu, kiberqılmıskerlerdiñ äreketine böget jasau jäne azamattardıñ qauipsizdigin qamtamasız etu. Seriktes qwrılımdarmen özara is-qimıl mwnday qauipterdi tiimdi anıqtauğa jäne beytaraptandıruğa mümkindik beredi, - dedi Almatı policiya departamenti Kiberqılmısqa qarsı is-qimıl basqarması bastığınıñ orınbasarı Erkebwlan Qoyşıbaev.

Policiyanıñ habarlauınşa, bwl derek boyınşa qılmıstıq is qozğaldı. Saraptamalar tağayındaldı.

Oqiğanıñ barlıq jay-japsarın jäne oğan qatısı bar twlğalardı anıqtauğa bağıttalğan tergeu äreketteri jürgizilip jatır.