بۇگىن استانادا «دارىن» مەملەكەتتىك جاستار سىيلىعىنىڭ لاۋرەاتتارىن ماراپاتتاۋ راسىمى وتتى, دەپ حابارلايدى Shalqar.kz “مادەنيەت جانە اقپارات مينيسترلىگىنىڭ” تەلەگرامم كانالىنا سىلتەمە جاساپ. سىيلىق مادەنيەت, عىلىم, مەديا جانە سپورت سالاسىندا جوعارى جەتىستىكتەرگە جەتكەن 20 جاس دارىنعا تابىستالدى.

ولاردىڭ قاتارىندا حالىقارالىق جانە رەسپۋبليكالىق كونكۋرستار, فەستيۆالьدەر مەن كورمەلەردىڭ لاۋرەاتتارى, رەسپۋبليكالىق جانە حالىقارالىق دەڭگەيدەگى سپورت جارىستارىنىڭ جۇلدەگەرلەرى مەن جەڭىمپازدارى, قوعامنىڭ دامۋىنا ۇلەس قوسىپ جۇرگەن جاستار بار.

قر مادەنيەت جانە اقپارات مينيسترى ايدا بالاەۆا قۇتتىقتاۋ سوزىندە جاستار ساياساتى سالاسىندا جىل ساناپ جاڭا بۋىندى قولداۋعا باعىتتالعان شارالار مەن جوبالار ارتىپ كەلە جاتقانىن اتاپ وتتى. پرەزيدەنت باستاماسى ارقىلى جوعارى بىلىمنىڭ قولجەتىمدىلىگى ارتىپ, جاس عالىمداردى قولداۋعا ارنالعان گرانت باعدارلامالارى كوبەيدى, ەڭبەك نارىعىندا جاس مامانداردىڭ مۇمكىندىكتەرىن ارتتىراتىن جاڭا جوبالار ىسكە قوسىلدى.

كرەاتيۆتى يندۋسترييا, تسيفرلىق ەكونوميكا, كاسىپكەرلىك سالاسىندا جاستارعا جول اشاتىن باستامالار دا مەملەكەت تاراپىنان قولداۋ تاۋىپ وتىر.

«مەملەكەت باسشىسى اردايىم وز سوزدەرىندە جاستارعا قولداۋ بىلدىرىپ, ۇلكەن سەنىم ارتىپ كەلەدى. پرەزيدەنتتىڭ ار جولداۋى, قولعا العان رەفورمالارى مەن باستامالارى – جاستاردىڭ بولاشاعى مەن يگىلىگى ۇشىن جاسالىپ جاتقان اۋقىمدى وزگەرىستەردىڭ ناقتى كورىنىسى.

بۇل رەفورمالاردىڭ وزەگى – ادىلدىك, زاڭ مەن تارتىپ, اشىقتىق پەن جاۋاپكەرشىلىك سەكىلدى قۇندىلىقتارعا نەگىزدەلگەن. اسىرەسە, «زاڭ جانە تارتىپ», «تازا قازاقستان» باستامالارى مەن جاپپاي ۆولونتەرلىك اكتسييالاردى جاستاردىڭ زور جاۋاپكەرشىلىكپەن جانە ۇلكەن ىنتامەن قولداپ كەلە جاتقانى قۋانتادى. بۇل اۋقىمدى باستامالاردىڭ بارلىعى – جاڭا يدەولوگييانىڭ ماڭىزدى بولىگى. ال وسى يدەولوگييانى جۇزەگە اسىراتىن دا, ونى العا جەتەلەيتىن دە – وزدەرىڭىز», – دەدى مينيستر.

لاۋرەاتتار «عىلىم», «ەسترادا», «كلاسسيكالىق مۋزىكا», «حالىق شىعارماشىلىعى», «سپورت», «ديزاين جانە بەينەلەۋ ونەرى», «جۋرناليستيكا», «قوعامدىق قىزمەت», «تەاتر جانە كينو», «ادەبيەت» نوميناتسييالارى بويىنشا انىقتالدى.

2025 جىلعى جەڭىمپازداردىڭ قاتارىندا تانىمال قازاقستاندىق انشى ەڭلىك قۇراربەك (Yenlik), «سلاۆيان بازارى-2024» حالىقارالىق ۆوكالدىق بايقاۋىنىڭ باس جۇلدەگەرى ەرنازار جۇبان, «قايرات» فۋتبول كلۋبىنىڭ شابۋىلشىسى داستان ساتپاەۆ بار.

«دارىن» مەملەكەتتىك جاستار سىيلىعى جىل سايىن تالانتتى جاستاردى مەملەكەتتىك دەڭگەيدە قولداۋ ماقساتىندا تابىستالادى. سىيلىق عىلىمي, شىعارماشىلىق, قوعامدىق قىزمەتتەگى جەتىستىكتەر مەن جوعارى سپورتتىق ناتيجەلەر ۇشىن بەرىلەدى.

30 جىلدان استام ۋاقىت ىشىندە بۇل سىيلىقتى 360-تان اسا جاس قازاقستاندىق يەلەنگەن. وسىعان دەيىن نۇرلان ونەرباەۆ, باقتييار ارتاەۆ, سەرىك ساپيەۆ, دانييار ەلەۋسىنوۆ, يلьيا يلьين, ولьگا شيشيگينا, دەنيس تەن, قىدىرالى بولمانوۆ, «مۋزارت», «بايتەرەك» توپتارى, سەرىك يبراگيموۆ, الي وقاپوۆ, قايرات نۇرتاس, ديماش قۇدايبەرگەن جانە تاعى باسقا كوپتەگەن ونەرپازدار مەن سپورتشىلار ماراپاتتالعان.