رەسەيدىڭ سانكت-پەتەربۋرگ قالاسىندا جەڭىستىڭ 80 جىلدىعىنا وراي كىتاپحانا, ارحيۆ پەن مۋزەيلەردىڭ تاريحي جانە مادەني مۇراسىن ساقتاۋ ماسەلەلەرى بويىنشا ينتەگراتسييالىق فورۋم ۇيىمداستىرىلدى, دەپ حابارلايدى Shalqar.kz “مادەنيەت جانە اقپارات مينيسترلىگىنىڭ” تەلەگرامم كانالىنا سىلتەمە جاساپ.

قر ۇلتتىق اكادەمييالىق كىتاپحاناسىنىڭ ديرەكتورى كۇمىس سەيىتوۆا ەلىمىزدەگى تاريحي-مادەني مۇرانى ساقتاۋ, تسيفرلاندىرۋ جانە ونى حالىققا قولجەتىمدى ەتۋ باعىتىندا جۇزەگە اسىرىلىپ جاتقان جوبالار تۋرالى بايانداما جاسادى.

فورۋم اياسىندا «ۇلى وتان سوعىسى جىلدارىنداعى كىتاپحانالار, ارحيۆتەر مەن مۋزەيلەردى ەۆاكۋاتسييالاۋ» تاقىرىبىندا ساراپتامالىق سەسسييا, «ۇلى وتان سوعىسى جىلدارىنداعى كىتاپحانالار مەن كىتاپحاناشىلار» اتتى دوڭگەلەك ۇستەل, سونداي-اق تۇرلى فورماتتاعى پلەنارلىق وتىرىستار مەن كورمەلەر وتتى.

ىس-شاراعا رەسەي فەدەراتسيياسى, بەلارۋسь, قىرعىزستان, تاجىكستان, وزبەكستان جانە قازاقستاننىڭ كىتاپحانا, ارحيۆ, مۋزەي, بىلىم بەرۋ جانە عىلىمي ۇيىمدارى مەن قوعامدىق بىرلەستىك وكىلدەرى قاتىستى.