Шымбұлақ тау шаңғы курортының билеттері биыл екі есе қымбаттады. Әлеуметтік желілерде бұл жаңалыққа байланысты алматылықтар мен қала қонақтары үлкен наразылық білдіруде. Бұрын ересектер үшін бір күндік билет жұмыс күндері 7600 теңге, демалыс күндері 11 400 теңге болған. Қазіргі таңда баға барлық күндер үшін 17 500 теңге деңгейіне көтерілді. Сонымен қатар, жастарға арналған тарифтер де жойылды, деп хабарлайды “Shalqar.kz” сайты.

Бұл өзгерістер әлеуметтік желілерде қызу талқыланып, көпшіліктің пікірінше, баға мен курорттағы қызмет сапасы арасында үлкен алшақтық бар. Олар Шымбұлақтың инфрақұрылымындағы кемшіліктерге назар аударды. Демалыс орнының қымбаттығына қарамастан, көпшілігі курорттағы жағдайды жақсартуды талап етіп отыр.